Aydheea 45:9 - Wëël Jwøk

⁹ «Otïmö ni leth jï ŋat wø pïëmö ki ŋata cwääc gø. Eni caala dak aciel røk dääe mo bäät piny! ?Aŋø, dak doo köö jï dïcwäc dääe, na ‹Agïnaŋø ni tïïyï enø?› ?Wala gïn mo otïïö doo köö jï ŋata tïïc gø, ni ‹Bäŋ ceŋ jïrï›?

Aydheea 45:9 Iomraidhean Croise

Jööp 10:9

Par wïïï mø, ïïni aana nø cwääyï ki ro odhöönh; ?aŋø, a cäŋï ka raanynyø naa cäŋa døø ri tør?

Jööp 33:13

?Aperŋø ni pïëmï ki Jwøk en, ni kööï ni luup moï ba duue?

Jööp 40:2

na «?Aŋø, ŋat wø jook jiy, pïëmö ki Jwøa en teeki jïre? Beerra man ö ŋat wø car luup mo teek dëër Jwøk ni løk pïëc manøgø!»

Jööp 9:12

Kany wø juth gïrpiny, ?aŋa ni løny jïre ki man män gø, na aŋa ni köö ki eni, na ‹Agïnaŋø ni tïïyï enø?›

Jööp 9:4

Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Luup Dïpööy 6:10

Gïn wø nut, nyeŋŋe oløny ni ŋäc, ni dhaanhø oløny ni ŋäc ki man näk mo ena dhaanhø. 'Ba dhaanhø ba løny jïre ki man pïëme ki Jwøk na teek na näk kaala eni.

Aydheea 10:15

?Aŋø, ley ŋwöö kiper dëëre bäät ŋat wø ŋudö ki gø? ?A gïr ŋøl ko opämi, dëëre wø jieme jiemø bäät ŋat wø ŋudö ki gø? Manøgø patha gïn mo tägö; tïmö ni caala man ö athøra ni kwany dhaanhø ni wø kwany gø, wala caala man ö athøra ni tïŋ dhaanhø maal na näk patha jaath.

Aydheea 29:16

Uuni luup wø wellu wellø. ?Aŋø, dïcwäc dääe doo päärö ni röömi ko odhöönh? ?Gïna cwääc doo köö jï ŋata cwääc gø, na «A ba cwääya ïïni»? ?Aŋø, dak doo köö jï dïcwäc dääe, ni «Bäŋ gïn ŋäyï»?

Aydheea 45:10

Wui, otïmö ni leth jï ŋat wø köö jï wänni, na ‹?Agïnaŋø na mooyï ki jwïëy?› Wala köö jï menni, na ‹?Agïnaŋø na lwaarï ki gø?› »

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Jeremaya 18:6

na «?Aŋø, u na jø Icriel, ba løny jïra ki man tïïa uuni kaa teeŋ gïna tïïc dïcwäc dääe manøgø? Ka adïëri møn, u na jø Icriel, u ena cera ni caala manø ni bëët odhöönhnhi cer dïcwäc dääe enø.

Jeremaya 36:29

'Ba mano caanï kiper Jeyöakëm nyeny Juuda, wärï kööï ni mana caan Wuuö Jwøki beeye en: Ïïni, wëëlö man awaaŋï ni kööï, na ‹?Aperŋø na göörï gø ni nyeny Babiløn öö møn ni raany paac man ni tïïc gø ni bäŋ dhaanhø ki lääy mo bëëdö yie?›

Jeremaya 50:24

Wui, ï na Babiløn, kanya bëëdï ni kuyï, a na Wuuö Jwøk, abïëp aciia kiperï, ni put ï mak. Ïïna joot ni mak ïïni, kiper ïïna bëëdö niï këëdö ki aani.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

1 Körin 10:22

?Kwäärö døø wëëga këëyö? ?Aŋø, teeka øøni ki eni?