Aydheea 45:8 - Wëël Jwøk

⁸ «Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Aydheea 45:8 Iomraidhean Croise

2 Nyeye 19:25

«?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Jeremaya 31:22

?Wui, nyaara ma Icriel, ï ni cwïnyï ogaa wøk en, a këël kany mo nyïëdi nø noo bëëdï niï wïdö jaak? Kiper Wuuö Jwøk tïïö ki gïn mo nyään bäät piny, ni beeye ni dhaagø dïcwøø gwøe gwøø.»

Edhikiel 34:26

Aani, ge gwïëdha gwïëdhö, ni bee geni ki kwör bëëte moa en deŋ thuur mara. Aani køth jääŋŋa jääŋŋö yi ŋöömö marge ki kanya näk kare, ni tïm køthi manøgø ni beeye mar gwïëth.

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Jool 3:18

«'Ba kanyo tïme na dïcäŋece, kïte tïmö ni lwanynyi ki køøŋ nyïïomøki mo ŋweeth, ni tïm thuuri ni caak kwönna wøk ki bäätge, ni tïm nyeŋ nämmi moa en Juuda ni kwödö ki pïï. Ni tïm pï jøøro ni kwönna wøk ki yi Øt Wuuö Jwøk, ni jwøc goor Cëthim.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Epeca 4:24

ni bëëdu ki bëëtö mana nyään, na näk ocwääö ni caala bëët Jwøk, na bëëtö mana beer na näk adïëri na en kur keere.