Aydheea 45:25 - Wëël Jwøk

²⁵ Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 45:25 Iomraidhean Croise

1 Nyeye 8:32

beerra man wïnynyï gø ki maal ni ŋølï mar jiyï, ni jäälï ŋata mare raac, ni dwøgï gïna raac wïïe keere na tïïe, ni ŋunnï ŋata mare beer, ni duunnï jïre ki køør mare na beer.

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 28:5

'Ba dïcäŋeca Wuuö Jwøk, eni na wïth jammi bëët, otïmö ni beeye aduda mana mïërö, na adun ajiem kiper jiye moa dööŋ ni kwøw.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 50:8

Kiper Wuuö Jwøk ni wø ŋun aani nut buuta. ?Aŋa nø noo pïëmö ki aani? Beerra man ö ŋateca ni ööe nee dëëtwa raŋwa ki gø! ?Aŋa ni many løøk ki aani? Beerra man ö ŋateca baŋa!

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:9

Nyïïkwaacge otïmö ni ŋäc ki yïthakic wïth juurre, ni ö obwöre moge ni ŋääi ki dï jiy. Jiy bëët moo joot geni putge ka ŋec ni beege jøøa näk yaa gwïëdhö, a na Wuuö Jwøk.»

Aydheea 65:23

Geni, ge ba ööl këët ki gïn mo bäŋ tiere, no obwöre moo nywølge bäŋ gïï mo leth mo pïï dëëtge këët, kiper geno tïmö na jiy mo ogwïëth Wuuö Jwøki, ge ki nyïïkwaacge bëët.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Moa Tïïc Nyïïatwieli 13:39

Ni beeye ki køøre no ö jøw ojïëy bëët ni ŋääthge noo pädi yïth jammi bëët moa ba doo maar lønyø jï ciik Modhe ki man pät uuni.

Wëëlö Mana Göör Pøølli Baŋ Jø Röm 4:16

Beeye tiere na tïm gïnni en no ogöök ri ŋäädhe, kiper nee buuk tïme ni bëënna met yi Jwøk, nee cööp kare na adïëri jï nyïïkwaac Eeberam bëët, ni paa jï jø wø bëën ciik Jwøk keerge, 'ba këël jø wø nywaak ŋäädhe mar Eeberam, kiper ena kwarø bëët,

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:30

'Ba jøøa näk ee miiø, ee cwølø thuwø. Ni jøøa näk ee cwølø, ee jïëö thuwø ni marge beer. Ni jøøa näk ee jïëö ni marge beer, ee jiemø thuwø.

1 Körin 1:31

Kiper ogöörö, ni «Ŋat wäro töödö, wär wø tööde kiper Wuuö Jwøk.»

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Körin 10:17

Kaawat mana gööri, «Beerra man ö ŋat wø töödö ni tööde ki nyeŋ Wuuö Jwøk.»

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 6:14

'Ba aani kara bäär ki teeŋ atöör manøgø, 'ba beeye luum jaadha no odëëdö mar Kwääyø ma Jecu Krictø keere ni daa tööda kipere, ni beeye na tïïc jap piny keda gïn mo ogur bäät jaadha no odëëdö ki baŋa, ni tïma ni aano thøw jï jap piny.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.