Aydheea 45:22 - Wëël Jwøk

²² «U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 45:22 Iomraidhean Croise

2 Luup Nyeye 20:12

?Wui, ï na Jwøk marwa, ge ba jäälï? Kiper waani bäŋ teek jïwa ki man këëtwa ki lwaak man ni päl bäre en ni ööi en kun tukge waani. Waani bäŋ gïn mo ŋäcwa mo løny tïïc jïwa; 'ba wa neeta jïrï.»

Aydheea 30:15

Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 41:22

Kälu juu mou mo wø lammu, nee gïïo tägi yi nyïm caange jïwa, caannu gïïa no opöödhö, nee tietge kwanywa, nee wa cätwa kiperge na aŋuunge ŋäcwa, wala caannu gïïo tägi yi nyïm jïwa.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Aydheea 45:5

Bee aani na Wuuö Jwøk, ni bäŋ Jwøk mør këët. Bäŋ Jwøk mør këët ni näk mo paa aani keera. Aani, ï mooa mooø ki teek, këël na bëëdï naa kuyï;

Aydheea 49:12

Ka adïëri møn, jiya öö ki kany mo bäär, ni møøk käla jï løø wï-piny ni møga käla jï løø kur pänh-cäŋ, ni ö møøki ni kälge paana cwøl ni Cinim.»

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 55:6

Manynyu Wuuö Jwøk kany poode ni nut en; cwøllu eni kany poode ni kare cään en.

Aydheea 60:3

'Ba wïth juurre oö yi tar marï, ni ö nyeye ni öge yi däär tar marï mano rieny.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.