Aydheea 45:17 - Wëël Jwøk

¹⁷ 'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 45:17 Iomraidhean Croise

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 26:4

Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 29:22

Kiper manøgønø, Wuuö Jwøk na wïïl Eeberam wøk acäänö kiper dhi øt Jeekap, ni kööe, «Jø dhi øt Jeekap ba bëëdö këët ki kany mo bäär ni wïthge olääö, ge ba bëëdö këët ni täärnyïmge oniduk ki laac wïc.

Aydheea 33:6

Eno tïmö ni beeye tier bëëtö maru ki yïth nïne mou, ni bee eni na tier kwärö man wø joot køny ki leec wïc ki kwänynyö baŋe. 'Ba ki man lwäär Wuuö Jwøk beeye kwärö eni.

Aydheea 45:25

Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 50:7

Kiper Kwäärö Wuuö Jwøk a wø kønye kønyø, kiper manøgønø, wïïa ba lääy. Cwïnya amaa ki man jïënya gïïögø, ni puta gø ŋäc møn ni wïïa ba lääy.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 54:4

«Kärï lwäyö, kiper wïïï ba wëëk lääö këët; kär wïïï laay, kiper wïïï ba lääy. 'Ba wïïï owïl ki laac wïc mar thïnhö marï, ni ba parï wïïï këët ka ajøøŋ mana pïï dëërï ki køør mana bëëdï kaamar cï thøø.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Jeremaya 31:3

Wuuö Jwøk ree anyoodhe jïge cøøn kany mo bäär, ni kööe, ni «Aana bëëdö naa mëër ki uuni ki mëër mo bäŋ cuŋŋe; kiper manøgønø, uuna nyïïa buuta ki køør mëër mara ni wø ba jøøl.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Joona 2:9

'Ba aani, a cïpö jïrï ko olämi ni pwøa ïïni ki duut mar dwøk met ec, ni coola gïna kööŋa kipere. Køny joota baŋï, ï na Wuuö Jwøk.»

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Wëëlö Mana Göör Pøølli Baŋ Jø Röm 10:11

Kiper wëël Jwøk wø köö, ni «Ŋato jïëy ki eni ni ŋääth gø wïïe ba lääy.»

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

1 Piter 2:6

Kiper ogöörö yi wëël Jwøk, ni «Neennu, aani, a kïtha yi Dhayan ki kïdi, na näk mo ojierø na pere leth na näk kïn gøøt, 'ba ŋat wø jïëy ki eni ni ŋääth gø, wïïe ba doo lääö.»

1 Jøøn 4:15

'Ba ŋat wø jïëc Jecu ni ena O Jwøk, Jwøk wø bëëdö dëëre, ni en dëër Jwøk.