Aydheea 45:14 - Wëël Jwøk

¹⁴ Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 45:14 Iomraidhean Croise

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

2 Camiel 21:20

Køøre leny mør acäŋ këëllö Gëth; 'ba da dhaanhø kaaca mo bäär døc ni dëëre dwøŋ, mo lweet ceŋŋe abïciel abïciel ni lweet tiete thuwø abïciel abïciel, ni lweete ge bëët beege pïërariiø kurŋween; 'ba eni thuwø nywöli ka ri tuuŋ jøøa bäyö døc ni dëëtge døøŋŋø.

Acther 8:17

Kanyøgø yïth mïëri bëët, ki yïth päänye bëët kwöra näk dwør nyeya ka awaaci mare opïï yïthge, kanynyø ki met ec aput tägö yïthakic jø Juuth, ni tïïge ka ajwöma mo dwøŋ yi cäŋ manøgø. Køøre jø møøk mo thööth moa en dï mïëri dëëtge aløkge na jø Juuth, kiper gena lwäyö ki jø Juuth.

Jööp 1:15

jø Caaba gena öö ni twierge geni, ni putge jø tïïc 'näk ko opëëllö; 'ba bee aani keera na bøth kiper nee caana jïrï.»

Jööp 11:19

Dëërï onyaaŋŋï piny ni bäŋ ŋat mo wëëga ïïni lwär, ni ö jiy mo thööth ni pëënyge køny marï.

Bwøth Wøk 11:8

Ni cäŋ Modhe köö jï Peerø, ni «Jø kööre moï bëët moi ni kany ii, ge ööa baŋa ni këëlge cøŋge piny ni kuulge wïthge piny nyïma, ni köge, ni ‹Ïïni ki jøøa caath køørï bëët cou wøk powa.› Ki køør manøgø nø, aano put ci wøk.» Ni ö Modhe ni put døny wøk nyïm Peerø no owëër døc.

Aydheea 10:33

Ka adïëri møn, Kwäärö Wuuö Jwøk, eni na wïth jammi bëët, bäät jenni oŋøt piny ki teek mo dwøŋ døc mo di lwäärö, ni ö jenni moa døøŋŋø dïge ni bami piny, ni ö mo wø bëëdö ni bäyö ni dwøgi piny.

Aydheea 18:1

Wui, otïmö ni leth jï paana näk jïre da baabuure mo rege da bwöm, na en løø näm mo paana cwøl ni Kuuc løøga,

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 19:21

Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 19:22

'Ba Wuuö Jwøk Ijep ojääle; geno jääle møn, 'ba ge cäŋe ka kønynyø; ni ö geni ni duuge baŋ Wuuö Jwøk, ni ö Wuuö Jwøki ni wïny kwac marge ni køny geni.

Aydheea 23:18

'Ba jammi moo joode ki køør gath mare ocïp kur keerge jï Wuuö Jwøk. 'Ba jammi moøgø ba kan wala ba cïp piny ki man mëët bäätge; 'ba owëëk jiy mo wø bëëdö ni wøøra Wuuö Jwøk, nee tïmge na mo ŋeewge ki caammi mo orømø kiper dëëtge ka abïïga beyø.

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 54:3

Kiper piny omayï ni këëtï bäät cwïïc ki bäät caam, ni ö ŋøøp wïth juurre ni dööŋe jï nyïïkwaayï, ni bëëtge yïth päänye moa no odööŋ keerge.

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 60:3

'Ba wïth juurre oö yi tar marï, ni ö nyeye ni öge yi däär tar marï mano rieny.

Aydheea 61:9

Nyïïkwaacge otïmö ni ŋäc ki yïthakic wïth juurre, ni ö obwöre moge ni ŋääi ki dï jiy. Jiy bëët moo joot geni putge ka ŋec ni beege jøøa näk yaa gwïëdhö, a na Wuuö Jwøk.»

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Edhikiel 23:42

'Ba geni dwør lwaak bëëdö ni lweelli deŋge, ni dïmäthe ege kälö ki kuna näk da paap, ki jøøa näk bäŋ kwörge, ni kïthge ceŋ mään moøgø ko oguudi, ni kïthge wïth mään ka adude mo mïërö.

Edhikiel 31:3

Ka adïëri møn, ŋööm Aciria abëëdö ni rööma jaath lur Libaanø na pere leth, jaadha näk bäädi moe mïërö, na näk tïpö mare dwøŋ, ni raŋa maal ni wïïe okëët yïth pøøl.

Jool 3:8

Aani thuwø, wäätu ki nyïïu gadha gadhø baŋ jø Juuda, ni ö jø Juuda ni gathge ge baŋ jø Caaba, wï juna kare bäär.» Kiper beeye Wuuö Jwøk na caan gø.

Kwään Jiy 13:32

Ni ö jøøgø ni putge waac mo reyø køp jï jø Icriel kiper ŋöömma liewge, ni köge, ni «Ŋöömma ciwa yie kuna liewa gø beeye ŋöömö mo dïdö ki wïth jiy mo wø bëëdö yie. Ni jiy moa jootwa yie bëët beege jiy mo bäyö mo dëëtge døøŋŋø.

1 Körin 14:25

ni ö gïïa en cwïnye ni ŋääi. 'Ba køøre nø, Jwøk owøøre ni täärnyïme ee këël piny, ni put gø caan, na «Adïëri møn, Jwøk ena dïïu.»

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.