Aydheea 44:8 - Wëël Jwøk

⁸ Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 44:8 Iomraidhean Croise

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

Wïlöölö 48:19

'Ba wänni akweer ni kööe, «Ŋääa, wääda. Ŋääa ni Maneeca beeye kaa. Eni thuwø tïmö na lwaak mo dwøŋ; 'ba coki mana thiinh en otïmö ni dwøŋŋa eni, ni tïm nyïïkwaaye na lwaa jiy mo thööth.»

2 Camiel 22:32

?Aŋø, da jwøk mør këët mo caala ïïni, ï na Wuuö Jwøk? ?A da ŋat mo teek mo caala ïïni, ï na Jwøwa?

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 8:22

Kiper aani wïïa laay ki man kwaa nyeya nee cïpe ki dëëci ki jø leny mo wø cäädhi ki bäät okwëënyi nee wa gwøkge øtjöö cer nyïïmän, kiper waano nø köö jï nyeya, ni «Cer Jwøk marwa ena bäät jiy bëët mo wø many eni; 'ba teek mare ki wëër mare nyoodhe nyoodhø bäät jiy bëët mo wø wec eni.»

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 26:4

Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 30:29

'Ba uuni, uuno wär ki dudi kaawat man wø wärru ki wäär kany wø wøørru ajwömma en kur keere. Cwïnynyu omïnni kaamar jiy mo cøøa baŋ lam ni ge kudhö ko opele, ni ge cøøa bäät Kïn Wuuö Jwøk baŋ Jwø Icriel na näk kïn gwøk røk.

Aydheea 41:23

Caannu gïïo en yi nyïm jïwa, nee ŋäcwa ni uuna juu møn; tïïu ki gïn mo beer wala mo raac, nee cwïnywa bwøkge ni lwäcwa.

Aydheea 42:9

Ka adïëri møn, jammi moa caana dïkwøŋ anø tägö; 'ba ennø, u cäänna cäännö ki jammi møøk mo nyärö. 'Ba kanyo pootge ni kär tägö, caana caanø jïïu.»

Aydheea 43:10

'Ba Wuuö Jwøk aköö, ni «Uuni, uuna jiya moa ŋäc tier gïnögø ni wø caan gø. Ni bee u na jiya moa näk yaa nø jier, ki man ŋäyu aani ni ŋääthu aani, ki man kwanynyu tiere ni bee aani na eni. Bäŋ Jwøk mør mo onut dïkwøŋ, ni bäŋ gø këët mo öö køøra.

Aydheea 43:11

Aani, bee aani na Wuuö Jwøk; ni bäŋ pïëmi mør këët ni näk mo paa aani.

Aydheea 43:12

Bee aani na nø køp gïno tïïa, ni piema uuni, ni caana tier gø, ni bäŋ jwøk mo path mo obëëdö yïthakiyu. Kiper manøgønø, uuna jøøa ŋäc tier gïnögø ni wø caan gø. Manøgø beeye dwøra, a na Wuuö Jwøk. Bee aani na Jwøk.

Aydheea 43:9

Wïth juurre bëët dëëtge anø dwalge, ni cooŋge dëëtge kanya ciel. ?Aŋa dëëtge noo caan tier gïn en, noo køp gïïa dïkwøŋ jïïø? Beerra man känge ki jiy mo tier gïnögø ŋäcge naa adïëri marge ŋäc, nee wïny jiyi ni köge, ni «Bee kare.»

Aydheea 44:2

Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Aydheea 48:3

Aani, ki kany mo bäär cøøn, jammi moa tägö bëët ni poot ena nyïm, akøba. Gena cur wøk ki dhaa, ni tïïa geni nee ŋäc jiyi. Køøre gïïögø atïïa ni putge tägö ni cwöba røk.

Aydheea 48:5

Kiper manøgønø, gïïögø acaana jïïu ki kany mo bäär; kanya pootge ni ge poot kär tägö, akøba jïïu, nee ŋati man nø ba kööe, ni ‹Kït gïn wø lama bee na tïïc gïïögø; jaath mana tieŋa na kït gïn wø lam ki gïna leenya na kït gïn wø lam beege na tïïc gïïögø nee täkge.›

Jeremaya 10:7

?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Jool 2:27

Kanyøgø putu ka ŋäc naa ena dïïu, u jø Icriel, ni aana Wuuö Jwøk, Jwøk maru, ni bäŋ mør këët, ni u na jiya, wïthu ba lääy këët.

Jøøn 1:1

Wïlöölö Dwøl nutö, ni Dwørøgøøni ena kanya ciel ki Jwøk, ni Dwørøgøøni beeye Jwøk.

Jøøn 10:30

Aani ki Wuuö, waana acielø.»

Jøøn 6:10

'Ba Jecu aköö, ni «Köömmu jiy nee pïge piny.» 'Ba kaace da luum mo mar yie. Ni ö jøøgøøni ni pïge piny. 'Ba kwäänge bëët jïtö ki kume abïïc.

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Tiet Ciik 32:31

Ka adïëri møn, jwø nyïïmän ba caal Jwøk marø na teek; këël nyïïmän 'moø ki dëëtge gïnögø ŋäcge.

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Tiet Ciik 4:35

'Ba gïïögø anyooth jïïu kiper nee Wuuö Jwøk ŋäyu, ni beeye eni na Jwøk keere, ni bäŋ Jwøk mør këët.

Tiet Ciik 4:39

«Kiper manøgønø, gïn wär ŋäyu dïcäŋi ennø, ni kïthu gø cwïnynyu, ni Wuuö Jwøk beeye Jwøk ni en maal bäre, ni en bäät piny bäre, ni bäŋ Jwøk mør.

Ibaru 12:1

Kiper manøgønø, na tïme ni buutø da teeŋ lwaa lïŋŋe mo thööth ma yøøgø nø, beerra man ööø thuwø ni cïbø gïïö ni peek yøø piny, ki raay no onigän dëëtø ii, ni ŋwieø ŋwïëy man en nyïmmø en, ni cwïnynyø yøø maaø,

1 Jøøn 1:2

'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

1 Camiel 2:2

Bäŋ ŋat mo bëëtö mare ena kur keere mo caala ïïni, ï na Wuuö Jwøk, ka adïëri møn, bäŋ jwøk mør mo caala ïïni këët, ni bäŋ jwøk mo teek mo caala ïïni, ï na Jwøwa.