Aydheea 44:6 - Wëël Jwøk

⁶ 'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Aydheea 44:6 Iomraidhean Croise

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 37:16

«Wui, Wuuö Jwøk, ï na wïth jammi bëët, na näk Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 40:18

?A ennø, Jwøk pääru gø ki ŋa? ?A kït gïnaŋø nou pääru eni ki gø?

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:21

Wuuö Jwøk, eni na nyeny nyïïkwaac Jeekap, aköö, ni «Caannu luubö maru, ni kälu gïïa näk cwïnynyu päŋ ki ge nyïm.

Aydheea 41:4

?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 42:8

«Aani, aana Wuuö Jwøk, ni manøgø beeye nyeŋŋa; ajiem mara ba wëëga ŋat mør, ni pwøc mara ba wëëga kït gïï wø lam.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:9

Wïth juurre bëët dëëtge anø dwalge, ni cooŋge dëëtge kanya ciel. ?Aŋa dëëtge noo caan tier gïn en, noo køp gïïa dïkwøŋ jïïø? Beerra man känge ki jiy mo tier gïnögø ŋäcge naa adïëri marge ŋäc, nee wïny jiyi ni köge, ni «Bee kare.»

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 48:12

«Wui, nyïïkwaac Jeekap, ni bee u jø Icriel na näk yaa jierø, cegu ïthu ki dwøra. Bee aani na Wuuö Jwøk na näk wïlöölö, ni näga aŋuudi.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 59:20

'Ba mana caan Wuuö Jwøki bee en, ena köö, ni «Da ŋat mo wïïla jiy wøk mo ööa yi Dhayan ni ööa baŋu, u na jø dhi øt Jeekap moa køp raacge.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Jeremaya 10:1

Wui, u na jø Icriel, wïnynyu dwøl man caan Wuuö Jwøki jïïu en.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Mathiew 27:37

'Ba løø kur wï Jecu maal agöönge ki luubö mo ege kïth bääte, mo kwaan, ni «Ŋati en beeye Jecu nyeny jø Juuth.»

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

Tiet Ciik 4:35

'Ba gïïögø anyooth jïïu kiper nee Wuuö Jwøk ŋäyu, ni beeye eni na Jwøk keere, ni bäŋ Jwøk mør këët.

Tiet Ciik 4:39

«Kiper manøgønø, gïn wär ŋäyu dïcäŋi ennø, ni kïthu gø cwïnynyu, ni Wuuö Jwøk beeye Jwøk ni en maal bäre, ni en bäät piny bäre, ni bäŋ Jwøk mør.

Tiet Ciik 6:4

«Wui, u na jø Icriel, wïnynyu gïn. Wuuö Jwøk na näk Jwøø beeye eni keere na Jwøk;

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.

Mana Nyooth 22:13

Aana Alpa ni näga Omëëga, ni näga dïkwøŋ ni näga aŋuudi, ni näga wïlöölö ni näga cuŋŋe.