Aydheea 44:28 - Wëël Jwøk

²⁸ Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 44:28 Iomraidhean Croise

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

2 Luup Nyeye 36:23

ni «Man beeye dwør Kiröc nyeny Parca, ena köö, «ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem na en Juuda. 'Ba ennø, ŋat ma dhaanh Wuuö Jwøk mo ena dïïu kaagø, beerra man ö Wuuö Jwøki Jwøk mare ni bëëde ki eni, ni ö eni ni ci Jerucalem.› »

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 1:3

'Ba ennø, ŋat ma dhaanh Wuuö Jwøk mo ena dïïu kaagø, beerra man ö Jwøki marge ni bëëde ki eni, ni ö eni ni ci Jerucalem na en Juuda, ni cäŋ Øt Wuuö Jwøk, Jwø Icriel, geerrø, eni na Jwøk ni wø bëëdö Jerucalem.

Aydheea 14:32

?Aŋø, agïnaŋø noo løk jï jiy moa öö ni ge jääŋŋa wï jurri mør? Gïno løk beeye ni Wuuö Jwøk Dhayan anø tïïe ni teek, 'ba jiye moa no ocaarø, rege ogwøkge yie.»

Aydheea 41:27

Bee a na kwøŋ Dhayan na näk Jerucalem cäännö dïkwøŋ, ni kööa, ni ‹Neenï, gïïo tägi beege ii,› ni jääga baŋe ki dhaanhø mo køp luubö mo nyään mo met.

Aydheea 42:15

Kïte ki thuuri wëëga pädhö, ni ö japa no otuy bäätge bëët ni talge; näm wëëga dwön ni ŋørge ni tïmge na acuul, ni taala pulli.

Aydheea 45:1

Man beeye dwøl mana caan Wuuö Jwøki jï nyeya ma Kiröc, na näk ee røønyø na ŋat tïïc mare, na näk ee maaø ki cer cwïï gø, nee wïth juurre dïïme ki ree, nee teek mar nyeye lwøre, nee dhøk kiiri jap jïre ni ba cïëge këët; ena köö,

Aydheea 45:13

Aani Kiröc anø tïŋa maal ki køør adïëri mara, 'ba nyeŋ jïëthe moe bëët otïïa ni tiir, ni ö eni ni geer pääny mara, ni tïïc jiya moa no omaaø ki tøŋ nee wec, ni bäŋ gwel mo di coolø wala muuy mo dï cïbö.» Manøgø bee dwør Wuuö Jwøk, eni na wïth jammi bëët.

Aydheea 45:3

Aani jap kwärö moa no okan yi muudhö ki moa no okanø kwör mo kuc cïba cïbö jïrï, nee ŋäyï ni bee aani, a na Wuuö Jwøk, Jwø Icriel, na cwøl ïïni ki nyeŋŋï kiree.

Aydheea 46:11

'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Aydheea 54:11

«Wui, ï na päänya no ocaarø, na näk wïïï okier gïï mo lethi, kaawat man wø tïïc atuunna, ni bäŋ ŋat mo ocøm cwïnyï, raŋï, aani ï geera geerø ki kïte mo mïërö, ni ö tier kiir marï ni kïtha gø ki kïte mo ŋwaŋŋi.

Aydheea 58:12

Jiy moo ööi ki rou, mïëri mo acääŋŋe moa no oränynyö odwøkge karge, ni ö kwöra no opädhö ri kiir mana no ojal ni tïŋge ge maal ni ge geera ge. Køøre u di cwølø ni jøøa cäŋ kiir mana no opädhö geerrø, na jøøa dwøk uutjïëthe ki uudi karge.»

Aydheea 63:11

Køøre geni, ge na jic Wuuö Jwøk, wïthge aparge ki nïne moa pöödhö mo Modhe, ni köge, na «?Age Wuuö Jwøk na tïïc jiye nee pööthge ki yi naama dwøŋ, ge ki dïbwödhi marge? ?Age eni na cïp Jwïëy moe na en kur keere bäätge?

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 27:6

'Ba ennø, mïëri mou bëët anø cïba cer Nabukedenecör nyeny Babiløn, eni na en cera, ni mëëga lääc paap eni thuwø ni bëëtge ni ge ena cere.

Jeremaya 43:10

ni kööï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a jääga baŋ Nabukedenecör nyeny Babiløn, eni na en cera, kiper nee ööe, ni cïba wälu mare bäät kïte moi moa mwön piny kany, ni ö eni ni cwöth oduŋkaany nyec mare piny bäätge.

Daniel 10:1

Kanya tïme na ri dää cwiiri moa beet Kiröci ni ena nyeny Parca, da dwøl moo nyoodhø jï Daniel ni wø nyeŋŋe cwøl ni Belthacacör, ni dwørøgø beeye adïëri ni cäänö kaper leny mo dwøŋ. 'Ba tier dwørøgø akwanye, ni nyooth jïre ka yïth lääk.