Aydheea 44:25 - Wëël Jwøk

²⁵ Jø wø ŋwöö kiper ŋïïce moge, tiet ŋïïce moge tïïa tïïö ni bäŋ karge, ni ö adïëda mar jø wø dëëdö ki jap nyïm ni tïme na jap bøølø, ni tïïa jøøa nyeŋge reegø nee wïthge rege nootge, ni tïïa kwänynyö marge na bøølø.

Aydheea 44:25 Iomraidhean Croise

2 Camiel 15:31

'Ba acaan dhaanhe mørri jï Deebit ni kööe, na «Akithöpël, ena dhaanhø aciel røk jøøa tuut dhøkge bäätï na no odwätö ka Abëcëlöm.» Kanyøgønø, Deebit aput lämö jï Jwøk ni kööe, «Wui, Wuuö Jwøk, akwaya ïïni, tïïc acaara mar Akithöpël ni bäŋ tiere.»

2 Camiel 16:23

'Ba ki yïth nïrögø, acaare mo wø cïp Akithöpëlli di jïëö ni nëëni keda luubö mo opëënynyö baŋ Jwøk. 'Ba Deebit ki wääde ma Abëcëlöm ge ŋäätha acaare mo Akithöpël.

2 Camiel 17:23

'Ba kanya jooti ya Akithöpëlli ni køør acaara mare kär caadhø, arëën mare ajiiŋŋe ni tïŋŋe ni ci paare na en pääny poge, ni jiiŋ jap paare na karge, ni put ree lïër ni thøøe. Køøre ena kïth yi bwörö mar wänni.

1 Nyeye 22:37

'Ba nyeya athøw ni käli Cameria, ni koonyi yie.

2 Luup Nyeye 18:11

'Ba nyïïkuk Jwøk bëët, luubö man acaange thuwø ni köge, ni «Ci baŋ leny Ramöth-Gelät, ni böödï; geno cïp Wuuö Jwøki cerï, ï na nyeya.»

2 Luup Nyeye 18:34

'Ba leny aput tïmö ni teek døc dïcäŋeca, ni ö nyeny Icrielli ni bëëde ni ree ee jäŋö ki jääy mare man wø tut okweenynyi nyïm jø leny mo jø Aram këël abøøya. 'Ba na tïm cäŋŋi ni pätha piny, ena thøw.

Bwøth Wøk 9:11

'Ba kär løny jï ajuuk ki man cuŋge nyïm Modhe kiper børi moa no opäny wøk dëëtge, kiper børi moa no opäny wøk dëët jø Ijep bëët dagø dëët ajuuk thuwø.

Aydheea 19:3

Kanyøgønø jø Ijep cwïnyge obëëdö no opädhö, ni ö jammi moa näk ege cïp piny na dige tïïö, ni tïïa ge ni bäŋ tietge. 'Ba geno ci baŋ kït gïï wø lam moge, ki baŋ jwïëc jøøa no othøw, kuna pëënyge geni kiper køny, ni cige baŋ jøøa näk rege da juu mo cøøra jwïëc jøøa no othøw nee ge mooc ka acaara.

Aydheea 29:14

Kiper manøgønø, a cäŋa tïïö ki gïn mør mo ec thäŋŋö ki gø dëët jøøgø, ni beeye gïn mo rëëma ec mo ec thäŋŋö ki gø møn. Leec wïc mar jøøa wïthge leer wëëga ränynyö, ni ö jø wø laar tiet jammi joot ni tïmge ni tiet jammi ba kwanyge.»

Jeremaya 49:7

'Ba man beeye luumma caan Wuuö Jwøki, eni na wïth jammi bëët, kiper Ëdöm, ena köö, na «?Aŋø, bäŋ jiy mo wïthge leer këët Tëman? ?Aŋø, pwöc atïmö ni bäŋgø baŋ jøøa nyeŋge reegø? ?A leec wïc marge aränynyö?

Jeremaya 50:36

Ajäl thøw tøŋ oen bäät ajuuk mo wø køp luup tööt, ojoot møn ni gena bøøre! Ajäl thøw tøŋ oen bäät jø leny moe moa teek, geni, cwïnyge obwøk!

Jeremaya 51:57

Nyeya na näk nyeŋŋe beeye Wuuö Jwøk, eni na wïth jammi bëët, aköö, ni «Aani, jøøa kwörge døøŋŋø moe ki jøøa nyeŋge reegø moe omaadha ki køøŋø ni meerge, ni bee geni ki kwääri ki jø kööre ki jø leny moa teek, ni butge ki niine mo bäŋ cuŋŋe, ni geni ba päy këët.»

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Daniel 4:7

Køøre ajuuk, ki jøøa nyeŋge reegø, ka ajuuk mo jø Kaldia, ki jø adïëda, gena öö, ni lama lääk jïge; 'ba kär løny jïge ki man caange tier lääk jïra.

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Mikiya 3:7

Jø wø køp gïï mo ena nyïm, wïthge olääi, ni ö jø wø køp luup adïëda ni tïm nyeŋge ni law. Geni, ge bëët täärnyïmge ouumge ki lään wïc, kiper mano ö Jwøki noo ba løk marge.»

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Kwään Jiy 23:23

Kiper bäŋ jap thïëth mo pïï dëët nyïïkwaac Jeekap, ni bäŋe gïr jwø wø dëëdö mo tägi dëët jø Icriel. 'Ba ennø, gïno caan kiper nyïïkwaac Jeekap na näk jø Icriel, okøp, ni ‹Neennu gïna tïïc Jwøki en.›