Aydheea 44:24 - Wëël Jwøk

²⁴ Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 44:24 Iomraidhean Croise

Jööp 26:7

Eni maal apeere yi bääru jaak mo bäŋ gïrpiny yie; ni wëëk piny cuŋŋö bäät gïn mo bäŋgø.

Jööp 31:15

?Aŋø, Jwøk na cwääc aani ec, paa eni na cwääc jøøgø thuwø? ?Aŋø, ba poot na eni na cwääc waani yïth mëëkwa?

Jööp 37:18

løny jïrï ki man kønyï Jwøk ki tïïc kany wø peer maal, ni ee tïïö ni tøŋ ni paŋŋi kaamar cïläälca?

Jööp 9:8

Eni keere maal apeere, ni bee eni ni wø cäädhi ki bäät athaŋ naama dwøŋ.

Aydheea 40:22

Bee eni ni wø pï piny maal, ni piny ee luuŋ piny, ni jø piny bëëdö ni nëëni kaamar aditwie; ni maal ee peerø kaamar abïï ma gëëŋi, ni ee peerø kaamar oduŋkaara na kar bëëtö.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:14

Man bee dwør Wuuö Jwøk, eni na Jwø Icriel na en kur keere na wïïl u wøk, ena köö, na «A jääga Babiløn ki jø leny kiperu, ni ö jø Kaldia bëët ni päärge wøk, ni ge aay ka baabuure mo wø töötge kiperge.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 44:2

Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Aydheea 45:12

Bee aani na tïïc piny ni cwääa dhaanhø bääte. Maal apeera ki ceŋŋa, ni cïïmma gïïa en yie bëët.

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Aydheea 45:8

«Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Aydheea 48:13

Ka adïëri møn, piny acwääa ki cera, ni peera maal ki cer cwïïa, ni kany wø cwøla geni, ge puta cuŋŋö na aciel.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 59:20

'Ba mana caan Wuuö Jwøki bee en, ena köö, ni «Da ŋat mo wïïla jiy wøk mo ööa yi Dhayan ni ööa baŋu, u na jø dhi øt Jeekap moa køp raacge.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Jeremaya 10:12

'Ba beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Jeremaya 51:15

Beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Jøøn 1:3

Ni jammi bëët cwääc ka ree, ni bäŋ gïn mo ocwääö ri moa cwääc bëët, ni eni tøør ree.

Galeecia 1:15

'Ba eni na cïp aani kur keera naa poot kär nywølø, na cwøl aani ki met ec mare,

Epeca 3:9

nee jiy bëët wëëga neen tïï gïna näk tiere okwøŋ Jwøki kan cwïnye cøøn, eni na cwääc jammi bëët,

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.