Aydheea 44:22 - Wëël Jwøk

²² Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Aydheea 44:22 Iomraidhean Croise

2 Camiel 12:13

Køøre Deebit aköö jï Nathan, ni «Aana nø bääyö dëër Wuuö Jwøk møn.» 'Ba Nathan aköö jï Deebit, ni «Wuuö Jwøk thuwø bääyö marï anø wëënne. Ïïni, ï ba thøw.

2 Luup Nyeye 6:21

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn ni wëënnï waani.

Neemiya 4:5

Ïïni, kär bääyö marge uumï, ni ba gööbï raay moge wøk nyïmï, kiper jø geer ajøøŋge täärnyïm jø geer kiree.»

Jööp 37:11

Eni pøøl wø pääŋe pääŋö ki pïï, ni wëëk agaackøth mare nigaaŋ ni put keethø yïthakicge.

Dut Pwøc 51:1

Bwøth Wøk 18:9

Ni ö Jëthrö ni mïn yie ki gïïa beyø na tïïc Wuuö Jwøki kiper jø Icriel, na køny geni ceŋ jø Ijep.

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 31:6

Wui, u na jø Icriel, duu baŋ Wuuö Jwøk. Kiper uuna gaa wøk ni weyu eni.

Aydheea 33:24

'Ba kar kaaca, bäŋ ŋat mo ena Dhayan mo köö, ni «Aani dëëra da täw.» 'Ba jiy mo wø bëëdö yie raay moge di wëënnö.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Jeremaya 18:23

'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 33:8

Ni pïnya raay moge wøk, ni beege raay bëët moa bacge dëëra; ni wëënna raay moge bëët, ni beege raay moa bacge dëëra, ka ageem mana tïïcge dëëra.

Jeremaya 50:20

'Ba noo tïme ni yïth nïröke, yi kar kaace, gïïa bac jø Icrielli ki raay mo jø Juuda omanynyi, 'ba bäŋgø mo joot; kiper a na Wuuö Jwøk, geni noo wiia na moo dööŋ wëënna wëënnö.

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Dhekaraya 1:3

Kiper manøgønø, a na Wuuö Jwøk na en wïth jammi bëët, a cäänna uuni, ‹Luu nyïmmu baŋa, nee nyïma luua baŋu.› Manøgø caana aani, a na Wuuö Jwøk na en wïth jammi bëët.

Dhekaraya 3:4

'Ba nyïïatwiel maal aköö jï jiy moa näk cuŋŋö nyïme, na «Abïïk Jøcua moø no okïl ki cïlö yøø, kälu wøk dëëre!» Køøre ena köö jï Jøcua, ni «Raŋï, aani raay moï apaanya bäätï; 'ba dëërï orunynya ka abïïe mo beyø.»

1 Körin 6:20

kiper u ŋeew ka gïn mo pere leth. Kiper manøgønø, jiemmu Jwøk ki rïŋ dëëtu.

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»