Aydheea 44:21 - Wëël Jwøk

²¹ «Wui, ï na Jeekap, ni bee yi na Icriel, par wïïï ki gïïögø, kiper ïïna dhaanhnha; ïïna nø cwääa ni ïïna dhaanhnha. Wui, ï na Icriel, wïïa ba wïl ki ïïni.

Aydheea 44:21 Iomraidhean Croise

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 40:27

Wui, u na nyïïkwaac Jeekap, ni bee u na jø Icriel, ?aŋø ni ŋuru ni kööu, ni «Waŋjöö marwa arwäänyö ki baŋ Wuuö Jwøk, ni ö luup gïïa leth na en bäätwa ni pöödhe ki bäät Jwøk marwa ni käre ŋølø»?

Aydheea 42:23

?Aŋa dïïu noo wïny gïn, wala cega ïthe ki luup moo en yi nyïm?

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:15

Bee aani na Wuuö Jwøk, Jwøk maru na en kur keere, ni bee aani na nyeya maru na cwääc Icriel.»

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Dhekaraya 10:9

'Ba kanyo keetha geni dï wïth juurre, wïthge parge parø ki aani yïth mïëri moø ni kwörge bäyö yøø, ni ö geni ko obwöre moge ni bëëtge kunece ni cäŋge duuö yi nyïme.

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.

Tiet Ciik 4:23

'Ba ennø, gwøgu rou kiper nee wïthu ba wïlge ki gïna tuut Wuuö Jwøki na näk Jwøu ki uuni, ni ba tëëŋŋu dëëtu ki kït gïrpiny mo kïte caala kït gïn mør jaak, mo uuno kööm Wuuö Jwøki na näk Jwøu kiperge, ni kär tïïyu.

Tiet Ciik 4:9

«'Ba ennø, gwøgu rou døc, ni bëëdu ni rou you koorø, kiper nee wïthu ba wïlge ki gïïa neennu ki nyeŋŋu, nee gïïge ba rwäänyge cwïnynyu ki yïth nïr kwøw mou bëët. 'Ba gïno tïïyu beeye ki man pwönynyu obwöre mou ki nyïïkwaayu ki geni nee ŋäcge.