Aydheea 44:20 - Wëël Jwøk

²⁰ Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 44:20 Iomraidhean Croise

Jööp 15:2

«?Aŋø, dhaanhø mo wïïe leer løny ki man løk luubö ki yi jöö mo bäŋ tiere, wala piema ree ki luup mo bäŋ tietge mo caala jamø?

Jööp 15:31

Beerra man ba cøøk dëëre keere ki man ŋääth gïn mo bäŋ tiere, kiper bäŋ gïn mo duue jïre.

Pwöc Leec Wïc 15:14

Ŋat mo wïïe da acaara wø manynya kwänynyö, ba jøøa näk wïthge känni, jap bøølø ege tïïö na cam marge.

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 4:12

Jiy atïmö ni pëënynya dhi jaath mana no otieŋø na kït gïn wø lam, ni ö athøra ni løk pïëc marge. Gena tïïc jwïëc käpi nee gaage wøk, ni putge bëëtö ni ge tïïya tïï käp, ni tïm karge ni bäär ki Jwøk marge.

Abakuk 2:18

«?Aŋø, gïn wø lam ni wø tieŋ dhaanhe na gïn ma kït gïrpiny, na dïpööy ma twöt, agïnaŋø ni kønye? Kiper ŋat wø tïïc gø, wø ŋäätha gïn wø tïïe ki cere, kany wø tïïe ki kït gïrpiny mo ba cäänö.

Luk 15:16

'Ba eni yie doo met ki mana dee cämö ki caap othuri. 'Ba bäŋ dhaanhø mo mooc gø ki cam.

Wëëlö Mana Göör Pøølli Baŋ Jø Röm 1:25

Kiper geni mana näk adïëri kiper Jwøk awiilge ki tööt. Ni wøørge gïna cwääc Jwøki ni tïnyge gø, ni wecge eni na näk Cwääy, eni na doo pwøø na bäre bäre. Enøgønø.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

1 Timöthi 4:2

kanyo ö tööte moa bäŋ cwïnyge noo cøøkge geni ki tööt marge,

2 Timöthi 2:13

'Ba ni näk jïïø bäŋ ŋäädhe, eni mare poot na adïëri. Kiper eni ree ba maar mooŋ.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.

Mana Nyooth 20:3

ni leeŋ gø yi buur, ni cïëk gø ni mwön gø bääte, kiper nee mïëri ba cøøge këët këël kanyo thum cwiiyøgø na kuma enø. Køør manøgønø, eni di pädö ki kany mo thiinh.