Aydheea 44:2 - Wëël Jwøk

² Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 44:2 Iomraidhean Croise

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:8

«Wui, ï na dhaanhnha ma Icriel ni bee ï Jeekap na näk yaa jierø, ni bee ï na nyikwaar nyawatwa ma Eeberam,

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:21

Jiya moa tïïa kiper dëëra ajiem mara caange caanø.

Aydheea 43:5

Kärï lwäyö, kiper a nut buutï; jiy moo käl riï tïïa tïïö nee öge ki jï løø kur tuul-cäŋ, ni cuuŋa uuni ki jï løø kur pänh-cäŋ.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 44:21

«Wui, ï na Jeekap, ni bee yi na Icriel, par wïïï ki gïïögø, kiper ïïna dhaanhnha; ïïna nø cwääa ni ïïna dhaanhnha. Wui, ï na Icriel, wïïa ba wïl ki ïïni.

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 45:11

Man beeye dwør Wuuö Jwøk, eni na Jwø Icriel na en kur keere, na cwääc Icriel, ena köö, na «?Aŋø, a dou pëënynyö kiper gïïo tägi yi nyïm kiper obwöre 'moa, naa dou köömmö kiper gïïa tïïa ki cera?

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:5

'Ba ennø, man beeye dwøl mana caan Wuuö Jwøki, eni na cwääc aani ec, naa tïma ni aana dhaanhnhe, nee nyïïkwaac Jeekap duua baŋe, nee ge na jø Icriel dëëtge cooŋge ree; kiper mana näk mo aano wøørø ki nyïm Wuuö Jwøk, ni eni na Jwøk mara bee teek mara.

Jeremaya 1:5

ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Wëëlö Mana Göör Pøølli Baŋ Jø Röm 8:30

'Ba jøøa näk ee miiø, ee cwølø thuwø. Ni jøøa näk ee cwølø, ee jïëö thuwø ni marge beer. Ni jøøa näk ee jïëö ni marge beer, ee jiemø thuwø.

Epeca 1:4

kaawat mana ö eni ni jier øøni ni kïth øøni dëër Krictø kanya poot pinynyi ni kär cwääö, kiper nøø tïmø ni ø ena kur keerø na mo Jwøk ni bäŋ ajäla dëëtø nyïme.

Tiet Ciik 32:15

«'Ba jø Icriel na jier Wuuö Jwøki nee bëëtge ki bëëtö mo tiir, kanya nø cämge ni lørge, ni døøŋ dëëtge, ni tïm dëëtge ni beyø, gena tïmö kaamar dhieŋ mo bädö; ni wecge Jwøk na cwääc geni, ni taakge eni na Jwøa teek ni wø køny geni.

Tiet Ciik 33:26

Ni kö Modhe, ni «Bäŋ Jwøk mo caala Jwø Jecurun, ni wø mëëre ki geni. eni öö ki maal ni öö kuna køny geni, ni cäädhi ki yïth pøøl ka ajiem mare.

Tiet Ciik 33:5

Ni kanya ö dïbwöthe mo wïth tuŋi moø, ø na jø Icriel, na bëëtge ni geno dwätö na aciel, Wuuö Jwøk bëëdö na nyeya marø, ø na jiere nøø bëëdö ki bëëtö mo tiir.»

1 Thecalönika 1:4

Kiper ŋäcwa, nyïïmera, ni Jwøk mëër ki uuni, ni jier uuni.

Ibaru 4:16

Kiper manøgønø, beerra man nyiigø buut wäl met ec ni yøø ŋäädhö, kiper nøø jïtø ki bäth ec, ni joodø met ec mano køny øøni kany wø cännø.