Aydheea 44:19 - Wëël Jwøk

¹⁹ Ni bäŋ ŋat mo para wïïe, wala ŋat mo da gïn ŋääe, wala ŋat mo kwanya tier gø mo köö, ni «Aani, thäk jenni anø kïtha yi maac ni nø thaala cam ki cuk moe, ni bula rïŋö ki ge ni cama gø. ?A ennø, maya daa tïïö na gïn mo Jwøk yie raac ki gø, ni këëlla cøŋŋa piny nyïm gïn ma jaath jaak?»

Aydheea 44:19 Iomraidhean Croise

1 Nyeye 11:5

Kiper Cølöman atïmö ni caatha køør Actaröth, jwø jø Caydan, ki Milköm, gïna no otieŋø ni wø lam jø Amönni, ni wø raac yi Wuuö Jwøki ki gø.

1 Nyeye 11:7

Køøre Cølöman atïïö ki kar lam bäät thuur mana en jï løø kur tuul-cäŋ ki Jerucalem jï Kemöc, gïna no otieŋø ni wø lam jø Möapi, ni wø raac yi Wuuö Jwøki ki gø; ni cäŋ tïïö ki kar lam jï Mölek, gïna no otieŋø ni wø lam jø Amönni, ni wø raac yi Wuuö Jwøki ki gø.

2 Nyeye 23:13

Ni ö eni ni raany kwör lam moa en bäät Kïn Aranya na en jï løø kur tuul-cäŋ ki Jerucalem, na näk ogeer Cølömanni nyeny Icriel jï jwøa cwøl na Actaröth, na näk yi Wuuö Jwøk raac ki gø mar jø Caydan, ki jwøa cwøl ni Kemöc, na näk yi Wuuö Jwøk raac ki gø mar jø Möap, ki jwøa cwøl ni Milköm, na näk yi Wuuö Jwøk raac ki gø mar nyïïkwaac jø Amön.

2 Nyeye 23:14

Køøre eni kïte moa no ocwöth piny na gïï lam atøye ni thenh thenh, ni ŋøt jenni piny moa no otieŋø na no ocaa ri jwøa cwøl na Acara, ni kïth kwörge ki cuu mo jiy.

Bwøth Wøk 7:23

Køøre Peerø ree aløøe ni døø paare ni bäŋ gïn mo ee lääŋŋö kiper gïnögø.

Aydheea 44:18

'Ba geni bäŋ gïn mo ŋäcge ni tier gø ba kwanyge, kiper nyeŋge omiiø nee ba nëënge, ni cwïnyge otïïö ni teek kiper nee tiere ba ci cwïnyge.

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Aydheea 46:8

«Lääŋŋu gïn ni maau gø wïthu, ni putu gø kan cwïnynyu, u na jø raay.

Aydheea 5:13

Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Edhikiel 40:4

Køøre ena köö jïra, ni «Wär dhaanhø, nëënï ki nyeŋŋï, ni wïnyï ki ïdhi moï, ni këëllï wïïï ri jammi bëët moo nyoodha jïrï; kiper beeye tier gïna käl ïïni kany kipere. Jammi bëët moo jootï kany wär caanï jï jø dhi øt Icriel.»

Odheea 4:12

Jiy atïmö ni pëënynya dhi jaath mana no otieŋø na kït gïn wø lam, ni ö athøra ni løk pïëc marge. Gena tïïc jwïëc käpi nee gaage wøk, ni putge bëëtö ni ge tïïya tïï käp, ni tïm karge ni bäär ki Jwøk marge.

Odheea 7:2

'Ba ba caarge ki cwïnyge ki man näk mo japa reyø na tïïcge bëët wïïa para parø ki ge. Ge bëëdö ni geno ciel raayi moge dïër; ni raay moge ena nyïma naa raŋŋa geni.

Agëë 1:5

'Ba ennø, gïna caan Wuuö Jwøki, eni na wïth jammi bëët, bee en, ena köö, ni «Beerra man cädu kiper bëëtö maru.

Tiet Ciik 27:15

« ‹Acïëni oen bäät ŋato määny dëëre ki kït gïn mør jaak wala kït gïrpiny mo oleenyø, ni wø tïïc rëëmme ki cere, ni cwöth gø piny ni ee kanø; kiper beege gïï mo Jwøk yie raac ki ge.› «Køøre ojøl jiyi bëët, ni köge, ni ‹Kare!›

Tiet Ciik 32:46

ena köö, ni «Gwøgu luup moi bëët ni köömma uuni ki ge dïcäŋi en; ni köömmu obwöre mou ki luup ciik moøgø bëët kiper nee gwøkge ni kïthge ge bäät tïïc.