Aydheea 44:17 - Wëël Jwøk

¹⁷ 'Ba thäk møga wø di tïïö na kït gïn wø lam ni ee tieŋø na jwøk mare, ni këël cøŋŋe piny nyïm gø ni wøør gø, ni läme jï gø ni kööe, ni «Piem aani, kiper bee ï na jwøk mara.»

Aydheea 44:17 Iomraidhean Croise

1 Nyeye 18:26

Køøre, geni rwaath mana no ocïbö jïge alwørge ni jiiŋge gø; ni kwaacge Baal ki mana täge ka amöölla këël mana këët dhöör, ni ge köö, «Wui Baal, løk kwac marwa.» 'Ba bäŋ dwøl mo owïnyö ni bäŋ gïn mo oløø jïge. 'Ba ge bëëdö ni ge miel deŋ gïn wø cïp olämme bääte mana tïïcge.

1 Nyeye 18:28

Kanyøgø, gena kwöŋŋö ni döötge ege tïŋ maal, ni cööpge dëëtge ko opëëlle ki tøøŋi kaawat man wø tïïcge cøøn ki køør kööŋŋö marge, këël mana cwëëc dëëtge ki rem.

Aydheea 2:8

Ŋöömö marge bëëdö no opäŋ ki gïï wø lam na tïïcge ki ceŋge, ni ge wøøra gïïögø na tïïcge ki lweetge.

Aydheea 37:38

'Ba dïcäŋ aciel ni eni lämö øt Nicrøk, jwøk mare, ena put wääde ma Adramëlëk ki wääde ma Carëdher 'näk ko opëëllö; ni ö geni ni reŋge yi ŋööm Ararat. Ni ö wääde ma Ëcaradön ni läw kar gø na nyeya.

Aydheea 44:15

Køøre nø, tïmö na jer maac jï dhaanhø. Møøk wø lwøre lwørø ni juŋe ki ge, ni äp møga ni thaal cam ki ge; ni tieŋ mør na kït gïn wø lam, ni wøør gø. Eni kït gïn wø lam wø di tieŋø møn, ni këël cøŋŋe piny nyïm gø.

Aydheea 44:16

Thäk jenni møga wø kïthe maac; ni bul rïŋö ki ge ni cam gø ni jääŋe. Eni thuwø wø juŋö ki maac ni kööe, ni «Yaa, dëëra amurrö, maac apwøa møn.»

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Aydheea 46:6

Da jiy mo warkey wø kunyge wøk ki yïth opïri moge, ni rømge gwel-bïrö bäät gïr røm, ni cwötge ki ŋat mo waŋe riek ki tïï warkey, ni ö ŋatøgø ni tïïc gø na kït gïn wø lam. Kanyøgønø, cøŋge këëlge piny nyïme ni wøørge gø.

Jeremaya 2:27

jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Daniel 3:17

Ni näk mo wa leeŋa yi maaøgø no orubö ni wärri enø, Jwøk marwa ni tïnywa en, løny jïre ki man piem waani yie, ni wa pieme cerï, ï na nyeya.

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 6:16

Kanyøgø nyeya aput cïpö ki dwøl, ni ö Danielli ni øømmi ni puti leeŋ yi buur ŋuuwe. Ni kö nyeya jï Daniel, ni «Jwøk marï ni wø tïnynyï cooth, eni ki dëëre ïïno pieme.»

Daniel 6:27

Eni jiy di piemø ni køny geni, ni tïïe ki nyuuthe ki gïï mo rëëma ec maal ki piny, eni na piem Daniel ceŋ ŋuuwe.»

Odheea 13:2

'Ba ennø, jø dhi øt Ipariem raay atïmö ni meetge bäätge; geni, ge tïïö ki kït gïï wø lam kiper dëëtge, ni tïïcge ka gwel-bïrö, ni tïïya rëëmmö ki jöör riek waŋ. Ni ö luubö man ni caani kiperge na ennø nø, ni «Geni, ge jëëtö ki dhaanhø man cïp olämme, ni nuumge kït gïï wø lam moøgø na no otïïö ni caala nyïïrøøe.»

Mikiya 5:12

Aani, ajuuk moø ni en dïïu yøø wïthge dïïra dïïrö, ni tïme ni bäŋ jiy mo thöödhö ki war dïïu këët.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Moa Tïïc Nyïïatwieli 19:27

'Ba, paa tïïc marø keere noo ränynyi, 'ba këël øt jwøk mar jwøa dwøŋ ma Artema, kanymør di taaø. Ni kanymør nyeŋŋe døøa cään ni bäŋ ŋat jiem gø këët, jwø wø wøør jø Eecia bëët gøøc piny bäre.»