Aydheea 44:12 - Wëël Jwøk

¹² Rëëmmö man wø thädhö ki nywïëny, nywïënyö wø di thäädhö ni tïïe ka maac, ni thääth gø ki nyööl na kït gïn wø lam, ni tïïe ka cere na teek. 'Ba eni thuwø wø näk käci nääö ni tïm dëëre ni jääk; ni nägi ya riewi kiper mana käre mäthö ki pïï.

Aydheea 44:12 Iomraidhean Croise

Bwøth Wøk 32:4

Ni ö Aranni ni lwør gïïögø ceŋge, ni leeny ge na gïn mo caala nyirøøa, ni tieŋ gø ki gïn wø tëëŋö ki gø; ni köge, ni «Wui, jø Icriel, moi beege juu mou na käl uuni wøk ki yi ŋööm Ijep.»

Bwøth Wøk 32:8

Gena laar gaa wøk ki øtjöö mana köömma geni ki gø, ni tïïge ki gïn mo oleenyø mo caala nyirøøa kiper dëëtge, ni wøørge gø, ni cïpge ko olämme jïgø, ni köge, ni ‹Wui, jø Icriel, moi beege juu mou na käl uuni wøk ki yi ŋööm Ijep.› »

Aydheea 40:19

Kït gïn wø lam wø tïïc rëëmmö tïïö, ni ö ŋat wø lëënyö ki warkey ni lëëny dëër gø ki warkey, ni ö ŋat wø tïïö ki gwel-bïrö ni kïth dëër gø ki tiimme mo gwel-bïrö.

Aydheea 40:20

'Ba dhaanhø mo can mo ba løny ki man cïpe ki teeŋ muuy manøgø, jëëtö ki jaath mo teek mo ba laar tøbø, ni määnye ki rëëmmö man tieŋ gø na kït gïn wø lam ni cwöth gø piny ni teek nee ba pädhe.

Abakuk 2:13

?Neennu, aŋø, Wuuö Jwøk, eni na wïth jammi bëët, paa eni na caan gø ki man näk mo beeye maac noo pwøc öölö mar jiy, ni ö öölö mar wïth juurre ni cami paapi?

Abakuk 2:18

«?Aŋø, gïn wø lam ni wø tieŋ dhaanhe na gïn ma kït gïrpiny, na dïpööy ma twöt, agïnaŋø ni kønye? Kiper ŋat wø tïïc gø, wø ŋäätha gïn wø tïïe ki cere, kany wø tïïe ki kït gïrpiny mo ba cäänö.

Dhekaraya 1:20

Køøre Wuuö Jwøk jiy aŋween ma rëëmme mo thääth anyoodhe jïra.

Tiet Ciik 4:28

'Ba uuno tïmö nou tïnynya juu møøk moa tïïc jiyi ki ceŋge kaace, ni beege jenni ki kïte mo otieŋø na juu, ni juu mo ba räŋö, ni ba wïnyö, ni ba cämö, ni bäŋ gïn mo ŋwääi jïge.