Aydheea 43:7 - Wëël Jwøk

⁷ ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 43:7 Iomraidhean Croise

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 29:23

'Ba kanyo jootge obwöre moge moa tïïa ki cera ni nut yïthakicge, nyeŋŋa na en kur keere ojiemge, ni wøørge aani na Jwø Jeekap na en kur keere, ni cuŋge nyïma ni ge lwäär ki aani, a na Jwø Icriel.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:21

Jiya moa tïïa kiper dëëra ajiem mara caange caanø.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 48:11

'Ba kiper nyeŋŋa, a ki dëëra kiree, gïnögø tïïa tïïö. ?Aŋø, olønye nidïï ki man wëëga nyeŋŋa päät? Aani, ajiem mara ba cïba jï gïn mør.

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 63:19

Waana tïmö kaamar jiy mo ge kär bëëdö tierï, mo ge kär cwøl ri nyeŋŋï.

Jeremaya 14:9

?Aperŋø ni bëëdï kaamar dhaanhø mo wïïe ocuŋŋö en? ?Na aperŋø ni bëëdï kaamar oteen leny mo ba løny ki man kunynye en? 'Ba ŋäcwa, ni ï na Wuuö Jwøk, ï poot ena yïthakicwa, ni wa cwøla ri nyeŋŋï; kär wa weyï.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Daniel 9:18

Wui ï na Jwøk mara, cek ïthï ni wïnynyï mara! Jap nyeŋŋï ni raŋï ränynyö marwa ki mar pääny man wø cwøl ri nyeŋŋï. Waani ï ba kwacwa kaper ni da gïn mo beer baŋwa; 'ba beeye kiper mëër marï na päl.

Daniel 9:19

Wui Kwäärö Wuuö Jwøk, wïny marwa! Wui Kwäärö Wuuö Jwøk, wëën waani! Wui Kwäärö Wuuö Jwøk, cek ïthï ki marwa ni tïïï ki gïrpiny! Wui ï na Jwøk mara, ki køør nyeŋŋï, kärï ruu, kiper pääny marï ki jiy moï cwøla ri nyeŋŋï.»

Amøc 9:12

Køøre nø, jøw moa dööŋ dëët jø Ëdöm, ki juurre bëët moa no ocwøl ri nyeŋŋa, otïmö ni ena ceŋ jø Icriel.» Beeye Wuuö Jwøk ni cäänö enø, ni bee eni noo tïïc gø.

Jøøn 15:8

'Ba beeye gïn wø käl ajiem jï Wära, ni näk mou kännö ki nyïëdi mo thööth ni dëëtu you nyoodhø ni uuna bääga.

Moa Tïïc Nyïïatwieli 11:26

'Ba na joot gø, ena käl Antïëk. Ni cuŋge ka acooŋ Jwøk ki cwiir bäre ni pwönyge jiy mo thööth. 'Ba yi Antïëk beeye kanya kwøŋ bääŋi cak yie ni jø Krictø.

Wëëlö Mana Göör Pøølli Baŋ Jø Röm 9:23

kiper nee ajiem mare na päl nyoodhe jï gïïo kønye na kwøŋ jiiŋŋø nee ge jiem.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

Galeecia 6:15

'Ba daŋ wala bäŋ daŋ, bäŋ gïn mo dege tïïö, 'ba beeye cwääc mana nyään keere.

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Jeemeth 2:7

?Aŋø, patha geni ni wø jany nyeŋŋa mïërö ki wøør, na caa u ree?

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

1 Piter 4:14

'Ba ni näk mo u di caannø kiper nyeŋ Krictø, uuno gwïëdhö, kiper Jwïëy ajiem na näk mar Jwøk bëëdö bäätu.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.