Aydheea 43:27 - Wëël Jwøk

²⁷ Kwaru mana dïkwøŋ atïïö ki raay, ni ö jøøa cäänö na karï ni bääcge dëëra.

Aydheea 43:27 Iomraidhean Croise

Aydheea 24:20

Ni tïm pinynyi ni bøømmø kaamar dhaanhø mo omeer, ni tïme ni jäŋŋi kaamar abïla, kiper raay moe na peek bääte, ni pädhe ni ba løny ki ööny maal këët.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 3:12

Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 8:8

« ‹?Aŋø, u kööu nidïï ni wïthu leer, ni ciik Wuuö Jwøk nut jïïu? Kiper ennø, luup moa göör jø wø caan tiet ciik Jwøk, ciik awiilge ni tïïcge gø na luum tööt.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Edhikiel 16:3

Caanï jïre ni man beeye luumma caan Kwäärö Wuuö Jwøki jï Jerucalem, ena köö, ni ‹Kanya kälï yie ki kanya nywøl ïïni yie beeye ŋööm jø Keenan; ni wäru beeye ŋat Amör, ni meru beeye nyijø Këth.

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Milkiya 3:7

'Ba ki mana täge cøøn ki ri kwäyu, uuno gaa wøk ri ciik 'moa, ni käru geni gwøø. Ennø, duu baŋa; køøre nø, aano duu baŋu. «'Ba uuna köö, ni ‹?Waano duuwa baŋï nidïï?›

Kwään Jiy 32:14

«'Ba ennø, uuna läw kar wëëgu, ni uuna jø raay møøk mo nyärö, nee wëëc Wuuö Jwøk meetu bäät jø Icriel.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 27:1

'Ba na tïme na amöölla, kwääc laam bëët, ki jaae, dhøkge adwalge nee Jecu 'näkge.

Mathiew 27:41

Ni buui ya kwääc laam thuwø ki dïpööye mo ciik Jwøk ki jaae, ni köge,

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Wëëlö Mana Göör Pøølli Baŋ Jø Röm 5:12

'Ba raay atägö bäät piny ki køør dhaanhø aciel, ni ö thøøe ni ööe ki køør raay, ni tïm thøøe ni nyaa bäät jiy bëët, kiper mana näk jiy obääyö bëët.