Aydheea 43:25 - Wëël Jwøk

²⁵ «'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 43:25 Iomraidhean Croise

2 Luup Nyeye 6:21

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn ni wëënnï waani.

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 37:35

'Ba aani, a na Wuuö Jwøk, pääny man gwøa gwøø ni piema gø kiper nyeŋŋa ki nyeŋ dhaanhnha ma Deebit.»

Aydheea 38:17

Ka adïëri møn, leth bëëtö mana tägö dëëra beeye kiper naa bëënynya. Aana gwøgï ki køør mëër marï, ni kära päth yi buur ränynyö, ni ö raay 'moa bëët ni jarï ge ŋääï.

Aydheea 43:11

Aani, bee aani na Wuuö Jwøk; ni bäŋ pïëmi mør këët ni näk mo paa aani.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Aydheea 48:11

'Ba kiper nyeŋŋa, a ki dëëra kiree, gïnögø tïïa tïïö. ?Aŋø, olønye nidïï ki man wëëga nyeŋŋa päät? Aani, ajiem mara ba cïba jï gïn mør.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Aydheea 64:8

'Ba ennø, ï na Wuuö Jwøk, ï poot ni ïïna wääwa. Waana odhöönh, ni bee ï dïcwääy; ni waani bëët, wa tïïya ïïni ki cerï.

Aydheea 64:9

Wui Wuuö Jwøk, kär wëër marï wëëk pöödhö døc bäätwa; kär japa reyø na tïïcwa lääŋŋï këël aŋuudi. Wui, beerra man raŋï wa, kiper waani bëët, waana jiy moï.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 50:20

'Ba noo tïme ni yïth nïröke, yi kar kaace, gïïa bac jø Icrielli ki raay mo jø Juuda omanynyi, 'ba bäŋgø mo joot; kiper a na Wuuö Jwøk, geni noo wiia na moo dööŋ wëënna wëënnö.

Edhikiel 18:22

Raay bëët moa tïïe, bäŋgø mo wïc di parø ki gø mo dwøga wïïe. Eni bëëdö ni kwøw kiper japa beyø na tïïe.»

Edhikiel 20:14

'Ba gïnögø kära tïïö kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:22

'Ba cera ajooa ki man tïïa gïnögø kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:9

'Ba gïnögø kära tïïö kiper nee nyeŋŋa ba ränynye nyïm wïth juurre moa enge dïge, ni beege wïth juurre moa nyoodha raa jï jø Icriel nyïmge ki køør mana käla jø Icriel wøk ki yi ŋööm Ijep.

Edhikiel 33:16

Raay moa tïïe bëët bäŋgø mo wïc di parø ki gø mo eni di jäälö kipere. Kiper ena tïïö ki gïn ma adïëri ki gïn mo thïïŋ; eni bëëdö ni kwøw møn.

Edhikiel 36:22

«Kiper manøgønø, caanï jï jø Icriel ni man beeye luumma caan Kwäärö Wuuö Jwøki, ena köö, ni ‹Wui, u na jø Icriel, gïï noo tïïa ii patha kiper nyeŋŋu, 'ba beeye kiper nyeŋŋa na en kur keere na päätu dï wïth juurre kwöra cou yïthge.

Edhikiel 36:32

'Ba aani, a manynya gø nee ŋäyu ni gïn tïïa en patha kiper nyeŋŋu. Wui, u na jø Icriel, beerra man lää wïthu ni päth cwïnynyu ki bëëtö maru!› Luummögø caana Kwäärö Wuuö Jwøki.

Maak 2:7

na «?Aŋø na cään nyeni na enø nø? Mare ajaany. ?Aŋa na doo wec raay? ?Aŋø, paa Jwøk keere?»

Luk 5:21

'Ba dïpööye mo ciik Jwøk ki jø Paricith gena tägö ki man cäänge ki cwïnyge, ni «?Man a ŋa ni cäänö ka ajaany en? ?Aŋa na doo wec raay? ?Aŋø, paa Jwøk keere?»

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 1:8

na wëëk øøni ni päl ki ra acaaya dwøŋ, ki ŋäc tiet jammi.

Ibaru 10:17

'Ba køøre ena cäŋ köö, ni «Raay moge ki gïïa bacge ba lääŋŋa këët.»

Ibaru 8:12

Kiper gïïa baacge wiia wiiø, ni ba para wïïa ki raay moge këët.»