Aydheea 43:24 - Wëël Jwøk

²⁴ Bäŋ teeŋ thieŋ mo wø ŋwääi ni met mo iï ŋeeø ki gwel jïra, ni bäŋ dwäle mo olämme moï mo yia iï tïïö ni met ki ge. 'Ba yia acwaatï ki raay moï, ni öölï a ki gïïa bayï.

Aydheea 43:24 Iomraidhean Croise

Bwøth Wøk 30:34

Køøre Wuuö Jwøk acäŋ köö jï Modhe, ni «Lwötï ki gïï wø waaŋ ni wø ŋwääi ni met, ni beege teeŋ dwøk moa cwøl ni natap, ki cekëëleth, ki kelbena, ki teeŋ dwøø maya mana tar døc mana cwøl ni leböna; ni lwør ni röömi ki røkge bëët.

Bwøth Wøk 30:7

Ni ö Aranni ni waaŋ gïn wø jïye ŋwääi ni met bäät gïnögø, ni waaŋe ka amöölla man nø cooth kany wø jiiŋ lambae.

Aydheea 1:14

A män ka ajwöm mo wø wøørru kany wø päär dwääyi, ka ajwöm mou møga mo wø wøørru. Gena tïmö na tëër bääta, ni ööla ki käär ge.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 63:10

'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Aydheea 7:13

Køøre Aydheea aköö, «Wui, u na dhi Øt Deebit, cegu ïthu ennø. ?Aŋø, ki man cwaatu yïth jiy atïmö ni thiinh kiperu, ni tïmu nou daa baŋ Jwøk mara nou cwaata yie en?

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Edhikiel 16:43

« ‹'Ba kiper mana bëëdï ni wïïï kärï parø ki nïr thïnhö moï, ni tïmï niï wëëga aani gootø ki jammi moøgø bëët, ka adïëri møn, gïïa tïïyï bëët dwøga wïïï. Luummögø caana aani, a na Kwäärö Wuuö Jwøk. ?Aŋø, bëët käp marï kärï cäŋ meet bäät japa reyø møga bëët na näk yia raac ki ge na tïïyï?

Edhikiel 6:9

'Ba jiy moo bøth, wïthge oparge ki aani kanyo enge yïthakic wïth juurre moa mak geni ki tøŋ. Geni wïthge oparge ki kanya bëëda ni cwïnya ege raanynyø ki køør mana bëëtge ni cwïnyge lääŋŋa käp, na pää geni ki aani, ki køør mana bëëtge ni nyeŋge ege peerø køør käp mana wara tïïcge ki kït gïï wø lamge. 'Ba geno männi ki dëëtge keerge ki køør japa reyø na bacge, ki japa näk yia raac ki ge bëët na tïïcge.

Ciik Kiper Dïlämme 3:16

Køøre dïlämi gïïögø wär waaŋe na cam bäät gïn wø cïp olämme bääte, ni beeye olämi man wø waaŋ ki maac ni wø ŋwääi ni met. 'Ba maaw bäre beeye mar Wuuö Jwøk.

Ciik Kiper Dïlämme 4:31

Ni ö eni ni käl maar olämi wøk bäre, kaawat man wø käl maaw wøk ki ro olämi man wø duunni ki mëër. Ni ö eni na dïlämi ni waaŋ gø bäät gïn wø cïp olämme bääte na gïn wø ŋwääi ni met jï Wuuö Jwøk. Ni manøgø tïïc dïlämi no okïdi kiper ŋatøgø; køøre eni di wëënnö.

Amøc 2:13

Kiper manøgø nø, u nyadha nyadhø kaawat man wø ö tier jääy mo peek ki beel wø nyath gïn mo cøra bäät gø.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.