Aydheea 43:23 - Wëël Jwøk

²³ Bäŋ dïëk mo iï cïbö jïra no olämme mo wø waaŋ bäre, naa kärï wøørø ko olämme moï møga. Yiï kära cwaadø ki man cïpï ki muuce mo beel, niï kära öölö ki man cïpï ki jer wø jïcge ŋwääi ni met.

Aydheea 43:23 Iomraidhean Croise

Neemiya 13:10

Aani thuwø, ajooda ni jammi mo wø cïp jï jø tuuŋ Libay kär cïbö jïge, ni ö jø tuuŋ Libayi ki jø wø wär ki dudi Øt Jwøk ni wø tïny Jwøk ni putge aay, ni ŋati man nø døøa baŋ puur yi pwödhö mare.

Bwøth Wøk 30:34

Køøre Wuuö Jwøk acäŋ köö jï Modhe, ni «Lwötï ki gïï wø waaŋ ni wø ŋwääi ni met, ni beege teeŋ dwøk moa cwøl ni natap, ki cekëëleth, ki kelbena, ki teeŋ dwøø maya mana tar døc mana cwøl ni leböna; ni lwør ni röömi ki røkge bëët.

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Pwöc Leec Wïc 3:9

Jiem Wuuö Jwøk ki jap kwärö moï, ki thwöth caammi moï bëët mo wø kwøŋ ciek;

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Jeremaya 7:21

Luumma caan Wuuö Jwøki, eni na wïth jammi bëët, eni na Jwø Icriel, na caane ki räny cwïny, beeye en, ena köö, ni «U na jiya, rïk olämme mou moa dou waaŋø bäre jïra, dwallu gø ko olämme møga wäne, ni cammu geni jaak!

Jeremaya 7:22

Aani, kanya käla kwäyu wøk ki Ijep, a kär laar cäänö ki geni ki man köömma geni kiper luum olämme mo wø waaŋ bäre ki luum olämme møga.

Ciik Kiper Dïlämme 2:1

« ‹'Ba kany wø näk dhaanhø cïpö ki muuy mar møk beel, na muuy man wø cïbe jï Wuuö Jwøk, muuy mare manøgø wär tïme na møø mana pøøth. Eni maaw wär køny bäät gø, ni ö gïn wø jïye ŋwääi ni met ni cïp gø bäät gø.

Ciik Kiper Dïlämme 24:7

Køøre ïïni gïn wø jïye ŋwääi ni met mana tøŋ wär cïïmmï bäät tëëŋŋö man nø na gïr par wïc, nee cääthge ki muunni na aciel no olämi man wø waaŋ ki maac jï Wuuö Jwøk.

Amøc 5:25

«?Aŋø, uuni na jø Icriel, olämme ki muuce moa cïïmmu ki cwiiri ma pïëraŋween dï paap, cïpu jïra?

Mikiya 6:3

«?Wui jiya, agïnaŋø na tïïa dëëtu? ?Na agïnaŋø na ööla uuni ki gø? Beerra man løgu gø jïra.

Milkiya 3:8

«?Aŋø, løny jï dhaanhø ki man møt Jwøk? 'Ba uuni aana møtu. «'Ba uuna köö, ni ‹?Ï ewa mødø nidïï?› «Møt mana mudu ki gø beeye mana käru cïpö ki paac wïth jammi ki muuce.

Mathiew 11:30

Kiper jaadha man wø rïï ŋut jööt, ni tëër mara ba peek.»