Aydheea 43:18 - Wëël Jwøk

¹⁸ Wuuö Jwøk aköö, ni «Kär wïthu parru ki gïïa dïkwøŋ, ni ba lääŋŋu jammi moa no opöödhö.

Aydheea 43:18 Iomraidhean Croise

1 Luup Nyeye 16:12

U na nyïïkwaac dhaanhnhe ma Icriel, ni bee u na nyïïkwaac Jeekap na näk ee jierø, caarru wïthu ki gïïa näk rëëma ec na tïïe, këël ŋïïce moe ki luup ŋøl moa caane ki dhee.

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Aydheea 65:17

«Adïëri møn, aani, a cwääö ki maal mo nyään ki piny mo nyään, 'ba gïïa no opöödhö dïkwøŋ, wïc ba par ki geni këët, ni ge ba duu ya acaara këët.

2 Körin 3:10

Ka adïëri møn, gïna kwøŋ ajiemmi en dëëre atïmö ni bäŋ ajiem dëëre këët, kiper ajiem mana kaal gø.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

Tiet Ciik 7:18

Käru lwäyu ki geni. 'Ba beerra man caarru wïthu døc ki gïïa tïïc Wuuö Jwøki na näk Jwøu dëër Peerø ki yi Ijep bäre,

Tiet Ciik 8:2

'Ba wïthu wär caarru ki jöö mana ö Wuuö Jwøki na näk Jwøu na käär uuni ki gø dï paap ki yïth cwiiri moi na pïëraŋween ii. Wuuö Jwøk gïï mo leth akäl bäätu, kiper nou pwönynye, kiper nou päänynye, nee gïna en cwïnynyu nee ŋääe, ki man näk mo ciik moe gwøgu gwøø wala ba gwøgu.