Aydheea 43:16 - Wëël Jwøk

¹⁶ Man bee dwør Wuuö Jwøk, eni na tïïö ki jöö mo cøra dï naama dwøŋ, ni beeye jöö mo cøra dï pïï mo kwödö ni teek,

Aydheea 43:16 Iomraidhean Croise

Neemiya 9:11

Ïïni, Naama Kwaar apääŋŋï ki dïëre nyïm jiyï, ni putge cør dï naam ni ge cäädhi ka kany mo otal; 'ba jøøa ŋwiec køørge, gena leeŋï yi naam kanya päŋ døc kaamar kïdi mo oleeŋa yïth pïï mo kwödö døc.

Bwøth Wøk 14:16

'Ba ïïni, kwany athøra marï ni rwieyï gø bäät Naama Kwaar, ni pääŋŋï pïï ki dïge, nee jø Icriel pööthge ki dï Naama Kwaar kanya no otal.

Bwøth Wøk 14:29

'Ba jø Icriel acäädhö ki kany mo otal dï Naama Kwaar, ni pïï cuŋŋi kaamar dëër øtø bäät cwïcge ki bäät cämge.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 44:27

Bee aani ni wø köö ki naama dwøŋ na päŋ, ni ‹Talï!› ni puta nyeŋŋi moe taal.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 51:10

?Aŋø, patha ïïni na taal naama dwøŋ, kuda näk päŋ døc, na tïïö ki jöö yi naamøgø, kiper nee jøøa wïïlï wøk nee ŋutge løøga ki yie?

Aydheea 51:15

Kiper bee aani na Wuuö Jwøk, Jwøk maru, ni wø jäŋ naama dwøŋ ni wø wëëk athaga lwör, ni nyeŋŋa bee Wuuö Jwøk, aani na wïth jammi bëët.

Jeremaya 31:35

Man beeye luumma caan Wuuö Jwøki, eni na tïïc cäŋ nee rienye ki waŋcäŋ, na cïp dwääy ki ceer kwörge nee rienyge ki wäär, eni ni wø dhäy naama dwøŋ, ni bëët odhänynyi mare ni lwör, eni na näk nyeŋŋe beeye Wuuö Jwøk, Jwø wïth jammi bëët,

Mana Nyooth 16:12

Ni ö bïcier nyïïatwiet maalli ni køny kuura mare bäät Naam Upareeti na dwøŋ, ni ö pïïe ni talge, ni jiiŋŋa jöör nyeye moo ööi ki jï løø kur tuul-cäŋ.