Aydheea 43:13 - Wëël Jwøk

¹³ Ki mana täge cøøn bee aani na eni, ni bäŋ ŋat mør mo piema dhaanhø cera. Aani, mara wø tïïa tïïö, ?'ba aŋa ni wø wiil gø?»

Aydheea 43:13 Iomraidhean Croise

Jööp 10:7

Ïïni, ŋäyï ni bäŋ gïn mo yaa baa; ni bäŋ ŋat mo løny jïre ki man piem aani cerï.

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Jööp 9:12

Kany wø juth gïrpiny, ?aŋa ni løny jïre ki man män gø, na aŋa ni köö ki eni, na ‹Agïnaŋø ni tïïyï enø?›

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Pwöc Leec Wïc 8:23

Aani, aana cuume cøøn dïkwøŋ, kanya poode wïlöölö ni piny poot kär cwääö.

Aydheea 14:27

Kiper Wuuö Jwøk, eni na wïth jammi bëët, acaara mare anø cïp piny. ?Aŋø, da ŋat mo raanynya acaara manøgø? Eni cere ee nø rwiec. ?Aŋø, da ŋat mo tïïc gø nee cere duue?»

Aydheea 41:4

?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Aydheea 46:4

këël mano pïïe ri cwiic dööŋö maru, aani, a poot na kara. Ni këël kanyo døøŋŋu ni wïthu da lwaar, u poot käära käärö. Bee aani na tïïc uuni; 'ba u puta ka käärö. U käära käärö møn, ni piema uuni.

Aydheea 47:15

'Ba teeŋ gïnögø bee gïno tïïcge kiperï, ge na tïïï ki geni na öölï, ni marï gath ki geni ki mana tägï ki thïnhö. ŋati man nø dëëtge aay ni thääyö ki jööre keere. Ni tïme ni bäŋ aciel dëëtge mo piema ïïni.

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Odheea 2:10

'Ba aani, lään wïc mare wëëga nëënne jï omëërri moe, ni bäŋ ŋat mo piema gø cera.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Abakuk 1:12

Wui Wuuö Jwøk, Jwøk mara, ï na en kur keere, ?aŋø, ï ba käl ya acääŋŋe? Waani, wa ba thøw. Wui Wuuö Jwøk, jø Kaldia akwanyï ki man ŋølge luup. Wui, ï na kïnna teek, tietge akëëlï piny ki man tiirge jiy.

Kwään Jiy 23:20

Ennø, ciik acïp jïra nee jø Icriel gwïëdha; ni gena nø gwïëth Jwøki, ni ba løny jïra ki man wiila gø këët.

Jøøn 8:58

Ni løgi ya Jecu jïge, na «Adïëri møn a caana gø jïïu, kanya poot Eeberammi ni poot kär nywølø, a nutö.»

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Tiet Ciik 28:31

Dhieŋ mar dhaanhø di ŋaalø nyïme ni nëënö jïre ki waŋe, 'ba rïŋ gø ba came. Arëën mar dhaanhø di kälö ki teek, ni ba duui jïre. Dïëk mo dhaanhø ocïp jï nyïïmänne, ni dööŋe jaak ni bäŋ ŋat køny eni.

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Jøcua 2:2

'Ba acaan jï nyeny Jerikö, ni køp, ni «Da jiy mo käla baŋ jø Icriel mo ö kuna liewge paac, mo ge ena kany yi wäär man en.»

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»