Aydheea 42:5 - Wëël Jwøk

⁵ Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 42:5 Iomraidhean Croise

Wïlöölö 1:1

Wïlöölö Jwøk maal ki piny acwääe.

Wïlöölö 2:7

Ni ö Wuuö Jwøki ni cwääc dhaanhø ri ŋøøp piny, ni kooth jam kwøw um dhaanhø, ni tïm dhaanhe ni ree da jwïëy mo kwøw.

Jööp 12:10

Jwïëc gïïa kwøw bëët ena cere, ni bee eni na tïïc jiy bëët nee jwïëcge.

Jööp 27:3

Aani, këël kanyo bëëda naa poot kwøw, ni jam dhøk mar Jwøk bëëdö uma,

Jööp 33:4

Jwïëc Jwøk bee na cwääc aani, ni ö jam jwïëy mar Jwøa en teeki jïre ni wëëk aani kwøw.

Jööp 34:14

Doo na Jwøk cädö kaper dëëre keere, ni war jwïëy moe ki jam jwïëy mare,

Aydheea 37:16

«Wui, Wuuö Jwøk, ï na wïth jammi bëët, na näk Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

Aydheea 40:12

?Aŋø, aŋa na cøt pï naama dwøŋ ki thäny cere ni røma gø? ?Aŋa na røm maalø ki rumi mar yïthakic lweedi mo cenø? ?Aŋa na cooŋ tør mar bäät ŋøøm ni røm gø ki gïr røm? ?Aŋa na røm kïte ki thuuri ki gïr røm?

Aydheea 40:22

Bee eni ni wø pï piny maal, ni piny ee luuŋ piny, ni jø piny bëëdö ni nëëni kaamar aditwie; ni maal ee peerø kaamar abïï ma gëëŋi, ni ee peerø kaamar oduŋkaara na kar bëëtö.

Aydheea 40:26

Lwïthu ni raŋŋu maal mø. ?Japøge bëët ocwääya ŋa? Bee eni ni wø bëëdö na wïc bäätge ni wø ŋäc kwäänge, ni ge cwøle cwølø bëët ni man nø cwøle ka nyeŋ gø. 'Ba kiper mana näk mo dööŋö mare ki teek mare opöödhö, bäŋ aciel dëët japøge mo rwäänyi.

Aydheea 40:28

?Aŋø, gïn kuyu? ?Käru wïnynyö? Wuuö Jwøk beeye Jwøk man wø bëëdö na bäre bäre, ni bee eni na cwääc piny bäre; eni dëëre ba øc piny ni eni ba ööl. Ena Jwøk mo tier leec wïc mare ba løny ki kwany.

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 45:12

Bee aani na tïïc piny ni cwääa dhaanhø bääte. Maal apeera ki ceŋŋa, ni cïïmma gïïa en yie bëët.

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 48:13

Ka adïëri møn, piny acwääa ki cera, ni peera maal ki cer cwïïa, ni kany wø cwøla geni, ge puta cuŋŋö na aciel.

Aydheea 57:16

Kiper a ba bëëdö naa jälla geni cooth, naa ba gooti ki geni cooth; kiper noo nøøya ge, jwïëcge ränynyö nyïma, ni beege jwïëy moa cïba jïge, ge na cwääa.

Jeremaya 10:12

'Ba beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 27:5

Aani, piny ki jiy ki lääy moa en bäät piny acwääa ki køør teek bada na dwøŋ, ni løny jïra ki man cïba gø jï ŋata met yia ki gø jaak.

Jeremaya 32:17

«Wui, Kwäärö Wuuö Jwøk, beeye ï na cwääc maal ki piny ki køør teek badï na dwøŋ! Bäŋ gïn dhäthi jïrï!

Jeremaya 38:16

'Ba nyeya ma Cëdëkiya akööŋ mëëth ki piny jï Jeremaya, ni kööe, ni «Ŋëët Wuuö Jwøk, Jwøa kwøw, eni na cïp jwïëy moø, ï ba nääa, niï ba cïba ceŋ jøøi ni many jwïëy moï ii.»

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Amøc 9:6

Wuuö Jwøk paare ee geerø maal, ni tïïc maal na rëëbi bäät piny. Bee eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm; eni na tïïc gïïögø bëët, beeye Wuuö Jwøk ki dëëre.

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Moa Tïïc Nyïïatwieli 17:24

Jwøk na cwääc piny ki jammi bëët moi ni en yie en, na näk Kwääy maal ki piny, bäŋ wø bëëdö tiet arïëki mo tïïya dhaanhe.

Moa Tïïc Nyïïatwieli 17:25

Ni eni ba tïny jiyi ki ceŋge, kee da gïn manynye, kiper bee eni ki dëëre ni wø cïp kwøw jï jiy bëët, ki jwïëy, ki jammi bëët.

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,