Aydheea 42:3 - Wëël Jwøk

³ Eni otöök mo onyøc, ba toore, ni lamba mo manynya thøø ba nääe; 'ba ŋøl luup mana näk kare beeye noo tïïe.

Aydheea 42:3 Iomraidhean Croise

Aydheea 2:4

'Ba eni luup ŋøle ŋølø yïthakic wïth juurre, ni ö wïth juurre mo thööth ni dwøk ge kanya ciel. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 42:2

Eni ba lweelli, ni dwøre ba tïŋ maal, ni dwøre ba wïnynyi nyeŋ jïëthe.

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Aydheea 50:4

Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Aydheea 63:1

?Aŋø, man aŋa ni ööi ki Ëdöm, ni ööi ki yi Bödhra ni eno ruyö ka abïï mo kwaar en? ?Man aŋa no oruyö ni mïërö ni cäädhi ni dwøŋ ki teek mare en? Ni løk gø, ni «Bee aani ni wø car luup ni thïïŋ, ni wø jïre da teek ki man piem jiy.»

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 31:25

Ni tïïa dëët jøøa näk oööl nee nigethïk, ni caama jøøa näk obup ni jäŋge.»

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Mikiya 7:9

Waana bääyö dëër Wuuö Jwøk møn; wëër mare bëëdö ni ena bäätwa këël kanyo pïëme kiper luubö marwa, noo këël tier adïëri marwa piny. Eni wa käle wøk ni bëëtwa yi tar, ni jootwa adïëri mare.

Mathiew 11:28

«Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Mathiew 12:20

Ni ba toor otöök mo onyøc, ni ba jwöc maac mo duuŋ, këël mano wëëk ŋøl luup mo beer mar Jwøk thur kare.

Jøøn 20:27

Kanyøgø ena köö jï Tøma, «Kïth lweetï kany ni neenï ceŋŋa, ni kälï cerï ni kïthï gø tier-buuta. Kärï bëëdö ni bäŋ ŋäädhe cwïnyï, 'ba jïëyï ni ŋäädhï.»

Jøøn 5:30

«Aani bäŋ gïn mo daa maara tïïc ki wïïa keera. 'Ba luup wø ŋøla ki køør mo wø wïnynya baŋ Jwøk, ni ŋøl mara thïïŋ, kiper a ba cac man wø manynya keera, 'ba a wø caya man wø many Ŋata jääŋ aani.

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.