Aydheea 42:11 - Wëël Jwøk

¹¹ Beerra man ö paana näk dïtëën ki päänye moa en yie ni tïŋge döötge maal ni ge pwøya Wuuö Jwøk; beerra man ö atude mo wø bëët jø Këdar yïthge ni mïn yïthge. Beerra man ö jø wø bëëdö Cela ni wärge ni döötge ena maal; beerra man kwöŋge ki met ec ni ge ena wïth kïte.

Aydheea 42:11 Iomraidhean Croise

Wïlöölö 25:23

Ni kö Wuuö Jwøki jïre, ni «Jiy ma wïth juurre ariiø beege ni en yiï yøø; ni jiy ariiø moøge onywølï, ni bëëtge ni dëëtge ege pääŋŋö; ni ö acielli dëëtge ni tïme ni teeka eni døc ki maya; ni ö mana dwøŋŋi ni tïny mana thiinh.»

Aydheea 12:5

Wärru ki dut pwøc jï Wuuö Jwøk, kiper ena tïïö ki tïïe mo nyeŋŋe di jiemø ki rege; beerra man tïm tïïe moøgø ni ŋäc ki bäät piny bäre.

Aydheea 16:1

U na jø Möap, jäägu ki nyïïdïëk na ajwäk jï ŋata en paaci cere na en bäät Kïn Dhayan, ni ööu ki pääny Cela nou cura jöör wø cør dï paap.

Aydheea 21:16

Kwäärö Wuuö Jwøk aköö jïra, ni «Ki køør cwiir aciel, kaawat man wø ö ŋat tïïci wø kwaan nïr tïïc moe ma kar cwiir aciel, ajiem mar paana cwøl ni Këdar ränynyö na bäre bäre;

Aydheea 32:16

Køøre jöör ŋøl luup ma kare tïmö ni dagø yi ŋöömö manøgø, ni ö bëët adïëri ni tïme no ogääbö yi pwötha ŋöömme beer.

Aydheea 35:1

'Ba paaba näk tëën ki ŋöömma näk otal yïthge omïnni; paaba näk tëën oløth ni tïme ni lanhnhi kaamar wï jaath mo oŋøøk.

Aydheea 35:6

Kar kaagø, ŋööte geno päri kaamar aŋeri, ni ö dhøk jøøa näk ba cäänö ni japge rege ni kwöŋge ki met ec. Kiper dïtëën otuc ki pïï, ni ö paaba näk tëën ni cööde ki nyeŋ näm.

Aydheea 40:3

Da dwøl mo wïnyö mo cwödö, ni «Jiiŋŋu jöör Wuuö Jwøk dï paap, tïïu ki øtjöö dïtëën mo thïïŋ mo dwøŋ kiper Jwøk marø.

Aydheea 43:19

Ka adïëri møn, aani, da gïn mo tïïa tïïö mo nyään, gïneca tägö ennø. ?Aŋø, 'ba nëëni jïïu? Aani da jöö mo tïïa tïïö mo cøra paaba näk tëën, ni tïïa ki näm mo cøra paaba no otal.

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Aydheea 60:7

'Ba pïïth dïëk bëët mo jø Këdar ogwäär baŋï, ni ö nyöök rööm mo jø Nebayöt ni kønyï riï ki ge; geno jïëc ki man cïp geni no olämme bäät gïn wø cïp olämme bääte mara, a na Wuuö Jwøk, ni ööa ni jiema øtø mara na näk øt ajiem.

Jeremaya 21:13

Wuuö Jwøk acäänö ki luubö dëët jø Jerucalem, ni kööe, «U ni wø bëëdö kany mo ociel kïdi dïër ya apany thuur, aani, mara caana caanø dëëtu, u ni wø köö, na ‹?Aŋa noo ö baŋwa kany nee këëde ki waani, na aŋa noo duny kar bëëtö marwa?›

Jeremaya 48:28

«Wui, u ni jø Möap, päänye mou weyu wiiø ni cou ni bëëdu yïthakic kïte, ni bëëdu kaamar akuuru man wø geer øde deŋ dhi øt kïdi.

Jeremaya 49:16

Wui, u ni wø bëëdö yïthakic kïte, ni bäät thuuri moa bäyö you maaø, lwär mana lwäär uuni ki gø, ka atöör mana en cwïnynyu, wïthu amaaŋge. Këël kwör bëëte mou doo ena maal kaamar øt odhuuth, u 'duua pinyi en ki kaace.

Jeremaya 49:31

«'Ba ï na Nabukedenecör en, ï ööa maal, ni ciï baŋ jø wø bëëdö noo nikwak karge, jø wø bëëdö ni bäŋ gïn tägi rege. Geni, bäŋ kiir jïge mo dhøkge da dïdëëdi, ni ge bëëdö kur keerge.

Edhikiel 27:21

« ‹Jø Araba ki kwääri bëët mo Këdar ge bëëdö ni ge gänhnhö baŋï. Geni, nyïïdïëk, ki nyöök rööm, ka atëëe, agathge ki ïïni.

Obadiya 1:3

Atöör mana en cwïnyï ïïna nøøne, ï na no ogëët bäät kïte, ni tïïyï kar bëëtö marï ni ena maal, ni bee ïïni ni wø cään dëëre keere, na ‹?Aŋa noo dwøk aani piny yïth ŋøøm?› »

Neeyam 1:15

Raŋŋu tiet dhaanhø ni ööi enø, ni cura bäät kïdi, na ŋat mo käla luubö mo nyään mo køpa luum bëët-mëër. Wui jø Juuda, bëëdu nou wøøra ajwöm mou, ni cïpu gïïa kööŋŋu ki ge jï Wuuö Jwøk. Kiper jø raay moøgø u ba cäŋge tugö këët. Geni wïthge di dïïrö na bäre bäre.