Aydheea 41:4 - Wëël Jwøk

⁴ ?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 41:4 Iomraidhean Croise

Aydheea 40:12

?Aŋø, aŋa na cøt pï naama dwøŋ ki thäny cere ni røma gø? ?Aŋa na røm maalø ki rumi mar yïthakic lweedi mo cenø? ?Aŋa na cooŋ tør mar bäät ŋøøm ni røm gø ki gïr røm? ?Aŋa na røm kïte ki thuuri ki gïr røm?

Aydheea 40:26

Lwïthu ni raŋŋu maal mø. ?Japøge bëët ocwääya ŋa? Bee eni ni wø bëëdö na wïc bäätge ni wø ŋäc kwäänge, ni ge cwøle cwølø bëët ni man nø cwøle ka nyeŋ gø. 'Ba kiper mana näk mo dööŋö mare ki teek mare opöödhö, bäŋ aciel dëët japøge mo rwäänyi.

Aydheea 41:20

nee joot jiyi, ni ŋäcge gø, nee caarge ni kwanyge tier gø, ki man näk mo bee aani na Wuuö Jwøk ki dëëra kiree na tïïc gø, ni bee aani na cwääc gø, a na Jwø Icriel na en kur keere.»

Aydheea 41:26

?Aŋa na cäänö kiper gïn ki mana täge dïkwøŋ, kiper nee ŋäcwa, wala caana gø ki mana täge ya acääŋŋe, nee wa köwa, ni ‹Mare beeye adïëri›? Ka adïëri møn, bäŋ ŋat mo ocaan gø, ni bäŋ ŋat mo okøp gø wala ŋat mo owïny luup mou.

Aydheea 41:3

Eni køørge orieme ni pöödhe ni bäŋ gïn mo tägi dëëre, ni tïme ni bäŋ gïn mo gal wääth mare.

Aydheea 42:24

?Aŋa na tïïc Jeekap nee mak ki tøŋ? ?Aŋa na tïïc eni na Icriel nee twier? ?Aŋø, patha Wuuö Jwøk na bääyø dëëre, na kweerø ki man cäädhø ki uutjïëthe moe, na kweerø ki man jïëø ciik moe?

Aydheea 43:10

'Ba Wuuö Jwøk aköö, ni «Uuni, uuna jiya moa ŋäc tier gïnögø ni wø caan gø. Ni bee u na jiya moa näk yaa nø jier, ki man ŋäyu aani ni ŋääthu aani, ki man kwanynyu tiere ni bee aani na eni. Bäŋ Jwøk mør mo onut dïkwøŋ, ni bäŋ gø këët mo öö køøra.

Aydheea 43:13

Ki mana täge cøøn bee aani na eni, ni bäŋ ŋat mør mo piema dhaanhø cera. Aani, mara wø tïïa tïïö, ?'ba aŋa ni wø wiil gø?»

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Aydheea 48:12

«Wui, nyïïkwaac Jeekap, ni bee u jø Icriel na näk yaa jierø, cegu ïthu ki dwøra. Bee aani na Wuuö Jwøk na näk wïlöölö, ni näga aŋuudi.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.

Mana Nyooth 22:13

Aana Alpa ni näga Omëëga, ni näga dïkwøŋ ni näga aŋuudi, ni näga wïlöölö ni näga cuŋŋe.