Aydheea 41:29 - Wëël Jwøk

²⁹ Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 41:29 Iomraidhean Croise

Aydheea 17:8

Geni, ge ba døø baŋ gïï wø cïp olämme bäätge na tïïcge ki ceŋge jï juuga reyø, ni ba lwïthge këët baŋ gïïa tïïcge ki lweetge, ni beege jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge.

Aydheea 2:8

Ŋöömö marge bëëdö no opäŋ ki gïï wø lam na tïïcge ki ceŋge, ni ge wøøra gïïögø na tïïcge ki lweetge.

Aydheea 37:19

ni nø leeŋge juu mo jøøgø yi maac, kiper ge paa juu cøøn, 'ba gena gïï mo tïïc jiyi ka ceŋge, ni beege jen ki kïte jaak. 'Ba gena put nyeye mo Aciria raanynyø møn.

Aydheea 41:24

'Ba uuni, uuna gïï mo bäŋ karu, ni tïïe mou bäŋ gïn duuge, ni ŋat wø jier uuni, ec raac ki gø.

Aydheea 46:7

Geni, gïnögø wø jiege göökge, ni käärge gø; ni cïpge gø kare ni put bëëtö ni cuŋŋö kare kanya en yie. Eni dëëre ba tuue kare kaace. Këël dhaanhø doo jwöga baŋe, bäŋ gïn løøe, ni ba løny ki man piem ŋatøgø cer gïna leth na näk ee jwørø.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 5:13

Luup nyïïkuk Jwøk caala jamø jaak, ni luup mo wø køpge ba käl baŋ Wuuö Jwøk. Ni gïn wø caange døøa wïthge keerge.› »

Abakuk 2:18

«?Aŋø, gïn wø lam ni wø tieŋ dhaanhe na gïn ma kït gïrpiny, na dïpööy ma twöt, agïnaŋø ni kønye? Kiper ŋat wø tïïc gø, wø ŋäätha gïn wø tïïe ki cere, kany wø tïïe ki kït gïrpiny mo ba cäänö.

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Pïëmme 18:17

'Ba jøøa na abïïc na kwøŋ ci kuna liew ŋöömmögø, gena døny yi øtø ni kälge gïï wø lam, ni beege gïna no otieŋø na kït gïrpiny, ki ëëput, ki juuga cøøri na terapim, ki gïna no oleenyø na kït gïrpiny. 'Ba kar kanyøgø, dïlämi manøgø cuŋŋö dhi kal buut jø leny moa näk dïpe abïciel na näk ceŋge da jap leny.

1 Camiel 12:21

'Ba käru gaa wøk køør juu mo oballe, mo bäŋ gïn mo duuge dëër dhaanhø wala gïn mo kønyge kønyø, kiper gena juu mo oballe jaak.