Aydheea 41:16 - Wëël Jwøk

¹⁶ Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 41:16 Iomraidhean Croise

Dut Pwøc 1:4

'Ba bëëtö mar jøøa reyø patha enøgønø; ge caala lethø ni wø køøl jame.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 17:13

Wïth juurre döötge märö kaamar lwör mar pïï mo thööth; 'ba kanyo ö Wuuö Jwøki noo jook geni, ge puta bwøk ni reŋge kany mo bäär. Ni put ge riemmø ni køøl ge kaamar luum mo ena bäät kïte kanyo køøli ya jamø, wala tør kanyo køøli ya apwøyaweerø.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 28:5

'Ba dïcäŋeca Wuuö Jwøk, eni na wïth jammi bëët, otïmö ni beeye aduda mana mïërö, na adun ajiem kiper jiye moa dööŋ ni kwøw.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 40:24

'Ba kanyo pootge ni ge poot kär tïmö kaamar nyijaath mo onø piith, ni ge poot kär tïmö kaamar nyijaath mo onø tøøk, mo lweete onø këët piny yïth ŋøøm, Wuuö Jwøk jamø wëëge kwöt bäätge ni talge, ni ö geni ni køøli ya apwøyaweerø kaamar lethø.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Aydheea 65:18

'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Jeremaya 15:7

Uuni, u kwøra kwørø kaamar lethø, ni cööra u wøk ki dhøk kiiri; thøø okäla bäätu, ni raanynya uuni, u na jiya; kiper cwïnynyu käru løø ki jöör bëëtö maru na raac.

Jeremaya 51:2

Aani, jiy mo path ojääŋŋa Babiløn, nee jø Babiløn køølge wøk, ni raanyge ŋöömge. Geni, Babiløn otukge ki løøi ki løøi, kanyo tïme na cäŋ gïna leth na wäŋŋi kipere.

Jeremaya 51:20

Wuuö Jwøk aköö, ni «Ï na Babiløn en, ïïna tïïa ni ïïna guduum mara na gïr leny mara; beeye ïïni na raanynya wïth juurre ki riï, ni beeye ïïni na raanynya akwöm mo nyeye ki riï.

Jeremaya 51:33

Kiper luumma caan Wuuö Jwøki, Jwø Icriel, eni na wïth jammi bëët, beeye en: Babiløn otïmö kaamar laara moo puuö; ki kany mo thiinh, eno kaa piny kaamar beel.»

Daniel 2:35

Ni ö nywïënyö, ko odhöönh, ki jwïël, ki gwel-bïrö, ki warkey ni putge petø na thäŋi yie aciel, ni tïmge kaamar lethø mo ena yi laara ri jam arïïa, ni køøli ya jame, ni bäŋgø mo odööŋ rege. 'Ba thääŋ kïdi mana päth bäät gïnögø no otïïö na kït dhaanhø enø, aput tïmö na kïdi mo dwøŋ ni pääŋ piny bäre.

Odheea 11:9

U ba jääla këët ki wëër mara ni wø liel kaamar maac. Wïthu ba dïïra këët, u na jø tuuŋ Ipariem. Kiper aana Jwøk, naa patha dhaanhø, ni bee aani na Jwøa en kur keere na en dïïu. A ba ö baŋu këët ki wëër.

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Abakuk 3:18

a poot bëëdö ni yia met ki ri Wuuö Jwøk, ni bëëda naa kanynyø ki ri Jwøk, eni ni wø piem aani.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.