Aydheea 41:14 - Wëël Jwøk

¹⁴ Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:14 Iomraidhean Croise

Jööp 19:25

'Ba aani, ŋääa ni pïëmi mara nut ni kwøw, ni noo tïme na aŋuun nïne, eni öö ni cuŋŋe dï piny.

Jööp 25:6

?a dhaanhø man nø, ni bäŋ kare ni caal twöŋö en, ni beeye wär dhaanhø man ni caal adïpïra jaak en, ba kadha mare?»

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 37:4

'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 43:14

Man bee dwør Wuuö Jwøk, eni na Jwø Icriel na en kur keere na wïïl u wøk, ena köö, na «A jääga Babiløn ki jø leny kiperu, ni ö jø Kaldia bëët ni päärge wøk, ni ge aay ka baabuure mo wø töötge kiperge.

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Aydheea 47:4

Eni na wïïl øøni wøk, nyeŋŋe beeye Wuuö Jwøk, eni na wïth jammi bëët, ni beeye Jwø Icriel na en kur keere.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 59:20

'Ba mana caan Wuuö Jwøki bee en, ena köö, ni «Da ŋat mo wïïla jiy wøk mo ööa yi Dhayan ni ööa baŋu, u na jø dhi øt Jeekap moa køp raacge.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 63:16

'Ba ïïni, ïïna wääwa, këël na bëëde ni Eeberam wa kuue, ni kwarwa ma Icriel wa käre ŋiiø; ï na Wuuö Jwøk bee ï na wääwa, ni bee ï ni wø wïïl wa wøk ki mana täge ya acääŋŋe ki køør nyeŋŋï.

Jeremaya 46:27

«Wui, jø Icriel, u na nyïïkwaac dhaanhnha ma Jeekap, käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Wëël Kïmmö 3:57

'Ba kanya cwøla ïïni, ïïna nyänh kany mo cään, ni kööï, ni «Kärï lwäyö!»

Daniel 10:12

Ni kööe jïra, ni «Daniel, kärï lwäyö, kiper ki mana täge ki dïcäŋa dïkwøŋ na këëllï cwïnyï køør man ŋäyï tier gïna nyooth, ki mana dwøgï dëërï piny nyïm Jwøk marï, luup moï awïnynyi, ni beeye ni ööa ennø kiperge.

Odheea 11:9

U ba jääla këët ki wëër mara ni wø liel kaamar maac. Wïthu ba dïïra këët, u na jø tuuŋ Ipariem. Kiper aana Jwøk, naa patha dhaanhø, ni bee aani na Jwøa en kur keere na en dïïu. A ba ö baŋu këët ki wëër.

Mathiew 7:14

'Ba dhi kiir man wø bwöth kar kwøw diiny, ni jööre teek, ni jø wø joot gø nøk.

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Tiet Ciik 7:7

«'Ba Wuuö Jwøk tier mëër mana mëëre ki uuni na jier uuni paa kiper mana thööth kwäännu ki kwään jiy møga, kiper nøka kwäännu røk wïth juurre bëët.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Jøcua 17:18

'Ba ŋøømma en bäät kïte poot tïmö na maru. Këël na bëët kaace na lul, dou ŋødø, ni këëllu gø nyeŋ keee moe, ni ö ŋöömmöca ni tïme na maru bäre; ni riemu jø Keenan wøk thuwø, këël na bëëtge ni ge teek ni jïge da jïëthe mo wø tut okwëënyi mo tïïc ka nywïëny.»

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.