Aydheea 41:11 - Wëël Jwøk

¹¹ «Ka adïëri møn, jø wø bëëdö ni manynya wëër ki ïïni bëët wïthge olääy ni putge nipäät, ni ö jøøa bëëdö ni gëëmö ki ïïni bëët ni rwäänyge ni tïmge ni bäŋgø.

Aydheea 41:11 Iomraidhean Croise

Bwøth Wøk 11:8

Ni cäŋ Modhe köö jï Peerø, ni «Jø kööre moï bëët moi ni kany ii, ge ööa baŋa ni këëlge cøŋge piny ni kuulge wïthge piny nyïma, ni köge, ni ‹Ïïni ki jøøa caath køørï bëët cou wøk powa.› Ki køør manøgø nø, aano put ci wøk.» Ni ö Modhe ni put døny wøk nyïm Peerø no owëër døc.

Bwøth Wøk 12:29

'Ba kanya tïme na dhöör dï wäär, Wuuö Jwøk obwöc cwøw moa näk kaai bëët na en yi ŋööm Ijep anääe, ni tägi ki kany Peerø na en paaci cere këël mana këët røk kaai mo jøøa en øt twöc, këël kaai mo lääc paac bëët thuwø.

Bwøth Wøk 23:22

'Ba ni näk mo dwøre leŋŋu leŋø møn, ni tïïyu gïï wø caana jïïu bëët, a puta tïmö naa män ki nyïïmän mou, ni caanna jø wø caan uuni.

Aydheea 17:13

Wïth juurre döötge märö kaamar lwör mar pïï mo thööth; 'ba kanyo ö Wuuö Jwøki noo jook geni, ge puta bwøk ni reŋge kany mo bäär. Ni put ge riemmø ni køøl ge kaamar luum mo ena bäät kïte kanyo køøli ya jamø, wala tør kanyo køøli ya apwøyaweerø.

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 29:7

'Ba lwaak mana käl røk wïth juurre bëët na këëdö ka Ariël, na raany kwör gwøk røk moe, na ciel gø dïër, ge rwäänyö kaamar lääk, kaamar gïn wø nyooth ki yi wïc ki wäär.

Aydheea 29:8

Kaawat man wø ö dhaanhe mo ree da käc oläge ki wäär kee eni cämö, 'ba noo pääe, käc poot nut dëëre; wala kany wø läk dhaanhe mo onäk riewi kee eno mäthö ki pïï, 'ba noo pääe, cwaage poot no otal, ni riew kär aay dëëre; lwaak thuwø mana käl røk wïth juurre, ni wø many leny ki jø Dhayan, otïmö na ennø nø.

Aydheea 34:12

Dïbwöthe mo këëlla buc nyec piny otïmö ni bäŋgø yie, ni ö jiyi bëët moa kwörge døøŋŋø ni rwäänyge.

Aydheea 40:17

Ki baŋ Wuuö Jwøk, wïth juurre bëët nëëni kaamar gïn mo bäŋ kwäänne, ni raaŋe kaamar gïn mo thiinh døc mo bäŋ tiere.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 41:24

'Ba uuni, uuna gïï mo bäŋ karu, ni tïïe mou bäŋ gïn duuge, ni ŋat wø jier uuni, ec raac ki gø.

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 49:25

Ka adïëri møn, man beeye dwør Wuuö Jwøk, ena köö, ni «Këël jiy mo omaaø ki tøŋ di lwørø cer oteeø, ni ö jap twëër ni lwøri cer ŋat mo wïnni. 'Ba aani, a ŋäbö ki ŋat wø ŋäbö ki uuni, ni piema obwöre mou.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 54:15

Ni näk da ŋat mo tuga ïïni ki leny, patha a na tïïc gø; dhaanhø jaak mano tuk ïïni, pädhö nyïmï ni böötï gø.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Jeremaya 12:17

'Ba ni näk mo da paac mo ba wïny mara, paanøca cööda wøk ni raanynya gø.» Luummögø caana Wuuö Jwøki.

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Dhekaraya 12:3

'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Moa Tïïc Nyïïatwieli 16:39

Kanyøgø gena öö ni kwaacge ge nee cwïnyge cïpge piny. Ni kälge geni wøk ni pëënyge geni nee aacge paanøgø.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.