Aydheea 41:10 - Wëël Jwøk

¹⁰ Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 41:10 Iomraidhean Croise

Wïlöölö 15:1

Køør gïïögø bëët dwør Wuuö Jwøk aö bäät Abram ki yïth lääk, ni kööe, na «Abram, kärï lwäyö; aani, aana kwöt leny man wø gëëŋ ïïni; ïïno ŋada ki gïn mo dwøŋ.»

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 31:5

ni kööe jïge, ni «Bëëtö mar wääu ajooda no odak, ni nëëni ni ba mëër ki aani ni caala mana dïkwøŋ; 'ba Jwø wära ena buuta.

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

2 Camiel 22:19

Kanya bëëda ni aano ränynyö, nyïïmänna aö maal bääta, 'ba ï na Wuuö Jwøk, ïïna bëëdö niï køønynya aani;

1 Luup Nyeye 12:18

Køøre Jwïëc Wuuö Jwøk aput ci bäät dhaanhø aciel røk jøøgø mo nyeŋŋe Amacay, ni beeye ŋato tïmö na kwääc jø leny moa näk pïëradäk, ni kööe, «Wui, Deebit o Jeci, waana moï, ni waana aciel ki ïïni bëët. Bëët-mëër kiree en bäätï ki jø wø køny ïïni. Jwøk marï ena buutï ki man køny ïïni.» Kanyøgø Deebit jøøgø aput pänhnhö ni tïïc geni na kwääri bäät jø lwaa leny moe.

2 Luup Nyeye 20:17

U na jø Juuda ki jø Jerucalem, ba many u nou këëdu ri leny man; 'ba cïïmmu dëëtu, ni cuŋŋu karu ni neennu køny mar Wuuö Jwøk mano tïïe kiperu. Käru lwäyö ni ba bwøk cwïnynyu. Diøø dønynyu wøk baŋge, kiper Wuuö Jwøk bëëdö ka uuni.› »

2 Luup Nyeye 32:8

Jø leny moøke ni en buut nyeny Aciria yøøke beege jø leny mo ŋäätha teek mar dhaanhø; 'ba ŋat en buutø en beeye Wuuö Jwøk, Jwøk marø, noo køny øøni noo këël leny marø.» Køøre jiy cwïnyge aputge cøm ki luup Edhekaya nyeny Juuda.

Dut Pwøc 27:1

Bwøth Wøk 14:13

'Ba Modhe aköö jï jø Icriel, ni «Käru lwäyö; cuŋŋu karu ni neennu køny mar Wuuö Jwøk mano tïïe kiperu dïcäŋi en; kiper jø Ijep moø neetu dïcäŋi yøø, ge ba cäŋu neennø këët na bäre bäre.

Bwøth Wøk 20:20

'Ba Modhe aköö jïge, ni «Käru lwäyö; kiper Jwøk ööi ni päänynya uuni, nou bëëdu nou lwäär ki eni, kiper nou ba bääyu.»

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 37:6

'Ba Aydheea aköö jïge, ni «Wär caannu jï nyeya maru ni man beeye dwør Wuuö Jwøk, ena köö, ni ‹Käru lwäyö kiper luubö mana wïnynyu, na ö jic nyeny Aciria na janyge aani ki gø.

Aydheea 43:5

Kärï lwäyö, kiper a nut buutï; jiy moo käl riï tïïa tïïö nee öge ki jï løø kur tuul-cäŋ, ni cuuŋa uuni ki jï løø kur pänh-cäŋ.

Aydheea 44:2

Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 49:8

Man beeye dwøl mana caan Wuuö Jwøki, ena köö, ni «Ki kanyo näk ma kare, løk pïëc marï løøa løø jïrï, ni kønya ïïni dïcäŋo näk cäŋ pïëm man piem jiy yie. Ïïno gwøa ni tïïa ïïni ni ïïna ŋato wëëk luumma tuuda ki jiy thur kare jïge, ni cäŋï ŋöömö manøgø dwøk kare, ni tïïyï kwöra no odööŋ keerge nee cäŋ beetø;

Aydheea 50:9

Raŋŋu, Kwäärö Wuuö Jwøk a wø kønye kønyø. ?Aŋa nø noo jääl aani? Ka adïëri møn, jøøka ge ränynyö bëët kaamar abïï, ni ö geni ni cami ya alweela.

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Wëël Kïmmö 3:57

'Ba kanya cwøla ïïni, ïïna nyänh kany mo cään, ni kööï, ni «Kärï lwäyö!»

Daniel 10:12

Ni kööe jïra, ni «Daniel, kärï lwäyö, kiper ki mana täge ki dïcäŋa dïkwøŋ na këëllï cwïnyï køør man ŋäyï tier gïna nyooth, ki mana dwøgï dëërï piny nyïm Jwøk marï, luup moï awïnynyi, ni beeye ni ööa ennø kiperge.

Daniel 6:16

Kanyøgø nyeya aput cïpö ki dwøl, ni ö Danielli ni øømmi ni puti leeŋ yi buur ŋuuwe. Ni kö nyeya jï Daniel, ni «Jwøk marï ni wø tïnynyï cooth, eni ki dëëre ïïno pieme.»

Odheea 1:9

Ni kö Wuuö Jwøki, ni «Cak nyeŋŋe ni Lö-ammi, kiper u paa jiya, naa paa Jwøk maru.»

Agëë 1:13

Køøre Agëë, na jääŋ Wuuö Jwøki, dwør Wuuö Jwøk man acaane jï jiy na ennø nø, ni «Wuuö Jwøk aköö, ni ‹Aani, a bëëdö ka uuni.› »

Agëë 2:5

'Ba ena cäŋ köö, ni ‹Manøgø beeye luumma tuuda ki uuni kanya ööu wøk ki Ijep. 'Ba jwïëy 'moa poot bëëdö ki uuni. Käru lwäyö.›

Dhekaraya 10:12

'Ba a na Wuuö Jwøk, geno mooa ki teek, ni ö geni ni bëëtge ni ge wøøra nyeŋŋa.» Manøgø bee dwør Wuuö Jwøk.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Luk 1:13

'Ba nyïïatwiel maal manøgø aköö jïgø, ni «Kärï lwäyö, Dhekaraya, kiper lam marï awïnynyi. 'Ba cïïï ma Ilidhabeth ojïti ki nyilaal ma cïïŋŋö. 'Ba nyeŋŋe ocwølï ni Jøøn.

Luk 1:30

'Ba nyïïatwiel maal aköö jïgø, ni «Kärï lwäyö, Meeri, kiper ïïna jïtö ki mëër baŋ Jwøk.

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

2 Körin 12:9

'Ba ena köö jïra, ni «Met ec mara orømø kiperï, kiper teek mara wø thur kare ka ri jäk.» Kiper manøgønø, yia met døc ki man tööda kiper jäk mara, kiper nee teek Krictø tïme ni bëëdö bääta.

Epeca 3:16

naa lämö nee u wëëk tëënnö ki teek mano ööi ki køør Jwïëye ki yïth cwïnynyu, keda mana päl ajieme,

Tiet Ciik 20:1

«'Ba kanyo aau wøk baŋ leny baŋ nyïïmännu, noo jootu okwëënyi ki jïëth leny mo wø tut okwëënyi, ni jiy thööth ni ge kaala uuni, käru lwäyö ki geni, kiper Wuuö Jwøk na näk Jwøu, na käl uuni wøk ki yi ŋööm Ijep, nut buutu.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Pïëmme 6:16

'Ba Wuuö Jwøk aköö jïgø, ni «Ka adïëri møn, aano en buutï; ni putï jø Midien näk ni caala dhaanhø aciel jaak.»