Aydheea 40:9 - Wëël Jwøk

⁹ Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 40:9 Iomraidhean Croise

2 Luup Nyeye 13:4

Kanyøgø Abaaja aput cuŋŋö bäät Kïn Dhemarayim na en mïëya en bäät kïte kur jø tuuŋ Ipariem, ni rwaac Jeröbäm ki jø Icriel bëët, ni kööe, ni «Cegu ïthu baŋa!

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 41:27

Bee a na kwøŋ Dhayan na näk Jerucalem cäännö dïkwøŋ, ni kööa, ni ‹Neenï, gïïo tägi beege ii,› ni jääga baŋe ki dhaanhø mo køp luubö mo nyään mo met.

Aydheea 44:26

Luum dhaanhnha wëëga thur kare, ni ö luup jiy mo wø jääŋŋa ni tïmge na adïëri. Bee aani na caan luum Jerucalem, ni kööa, ni ‹Paanøgø jiy obëëdö yie!› Ni caana luum päänye mo Juuda, ni kööa, ni ‹Päänye moøgø di geerø!› Ni tïŋa ge maal ki yi ränynyö marge.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 52:6

Kiper manøgønø, jiya nyeŋŋa otïmö ni ŋäcge; kiper noo tïme na dïcäŋeca, oŋäcge ni bee aani noo cäänö; ka adïëri møn, bee aani.»

Aydheea 58:4

Ka adïëri møn, këël na bëëdu nou wödö, u poot pïëmu nou këëdö, ni dëëtu pöötu pöötö ka alööŋŋe mo reyø døc. Teeŋ wödö man wø wödu ki gø manøgø, döötu ba tïïe nee pïïe maal baŋa, a na Wuuö Jwøk.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 22:20

«U na jø Jerucalem, u cøøa bäät Kïn Libaanø ni gööu ko oduuru, ni cou Baacan ni jwöŋu ni döötu ena maal, ni cou bäät Kïn Abarim thuwø ni gööu ko oduuru, kiper wïth juurre moa mëërru ki geni na dwätu ki geni bëët ge di raanynyø.

Jeremaya 29:11

Kiper a na Wuuö Jwøk, acaare moa näk yaa nø caar kiperu ŋääa, ni beege acaare mo duunnö ki bëët mëër jïïu, ni patha acaare mo duunnö ki ränynyö dëëtu, 'ba beeye acaare mo wëëga ŋäädhe maru thur kare yi nyïme.

Neeyam 1:15

Raŋŋu tiet dhaanhø ni ööi enø, ni cura bäät kïdi, na ŋat mo käla luubö mo nyään mo køpa luum bëët-mëër. Wui jø Juuda, bëëdu nou wøøra ajwöm mou, ni cïpu gïïa kööŋŋu ki ge jï Wuuö Jwøk. Kiper jø raay moøgø u ba cäŋge tugö këët. Geni wïthge di dïïrö na bäre bäre.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Moa Tïïc Nyïïatwieli 2:14

'Ba Piter ree athïïŋe ki nyïïatwieli moa näk apaar kur ciel, ni tïŋ dwøre maal ni cään jøøgø, ni kööe, ni «U na jø Judia, ki u bëët, u wø bëëdö yi Jerucalem, cegu ïthu ki luupa nee tier gïn caana jïïu.

Moa Tïïc Nyïïatwieli 4:13

'Ba na neenge Piter ki Jøøn ni cwïnyge da cer, ni ŋäcge ni jøøgø kär pwönynyö ni gena jiy jaak, yïthge athäŋŋö, ni ŋecge gø ni gena jøøa bëëdö ki Jecu.

Moa Tïïc Nyïïatwieli 4:29

'Ba kawaane, ï na Wuuö, neen luupa reyø na caange, ni wëëgï laagï caan luummï ni cwïnyge da cer ni bäŋ lwär,

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

Epeca 6:19

këël kipera thuwø, naa wëënni ki jöö man jaba dhaa ki gø ni cwïnya da cer ki man køba luumma nyään na met na näk tiere okwøŋ kan,

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

1 Piter 3:14

'Ba këël gïï mo leth dou jwørø kiper moa beyø, uuno gwïëdhö. Käru lwäyö ki geni, ni ba wëëgu cwïnynyu ränynyö.

Pïëmme 9:7

'Ba kanya caani jï Jötham, ena put aay ni cuŋŋe wï Kïn Geridhan, ni cääne ka aŋaade ni dwøre ee tïŋ maal; ni kööe jï jø Cekam, ni «Wui, u na jø Cekam, cegu ïthu ki luum caana en, nee tïme ni maara lønyø jï Jwøk ki man cek ïthe ki maru.