Aydheea 40:7 - Wëël Jwøk

⁷ 'Ba luum wø tal, ni päth wïïe piny, kany wø ö jam dhi Wuuö Jwøk wø kwöt dëër gø; kiper ka adïëri møn, jiy caala luum.

Aydheea 40:7 Iomraidhean Croise

Jööp 14:2

Eni caala wï jaath man wø ŋøøk ni wø laar talø; ni eni laara pöödhö ni ba ruu kare kaamar tïpö.

Jööp 4:9

Geni, ge di raany jamø mano ö wøk ki dhi Jwøk, ni thøwge ki wëër mare ni wø liel kaamar maac.

Jööp 41:21

Jam jwïëy mare, bel di äbö, ni ö maaci mo liel ni ö wøk ki dhee.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 37:27

Ni ö jiyi moa bëëdö yïthge ni tïmge ni jägö, ni ge lwäär ni wïthge laay, ni tïmge kaamar gïï mo otuy yi pwöla, kaamar luum mo mar mo otuy yi kaŋ, ki luum mo otuy wïth uudi ni wø laar waaŋ ni poot kär døøŋŋø.

Aydheea 40:24

'Ba kanyo pootge ni ge poot kär tïmö kaamar nyijaath mo onø piith, ni ge poot kär tïmö kaamar nyijaath mo onø tøøk, mo lweete onø këët piny yïth ŋøøm, Wuuö Jwøk jamø wëëge kwöt bäätge ni talge, ni ö geni ni køøli ya apwøyaweerø kaamar lethø.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Agëë 1:9

U cädö nou jïtö ki mo thööth, 'ba tïmö nou joota mo nøk. 'Ba kany wø kïthu ge paac, puta ka kooth ki jam dhaa.» Køøre Wuuö Jwøk, eni na wïth jammi bëët, aköö, na «?Aperŋø ni wø täk gïïögø? Beeye kiper na weyu øtø mara no oränynyö, ni tïm ŋati man nø ni lääŋŋa øde keere ki man jiiŋ gø.

Jeemeth 1:10

ni ö ŋata näk okwär ni mïn yie ni näk mo ocännö, kiper eni ränynyö kaamar wï luum mo oŋøøk ni wø ränynyi.

Jeemeth 1:11

Kiper cäŋ wø tuulö ki kwaaye ni taal luum. Ni päth wïïe piny, ni räny beenynye. Kaawat manøgø thuwø, ŋat mo okwär ocänni ni eni ena bäät tïïc mare.