Aydheea 40:30 - Wëël Jwøk

³⁰ Këël wøpe kiree wø tïmö ni jägö ni dëëtge øya piny, ni ö obwöc cwøwi moa teek ni tïm tietge ni cwänyö ni ge päänhnhö.

Aydheea 40:30 Iomraidhean Croise

Luup Dïpööy 9:11

Aani, da gïn mør ma acäŋa jootø tier cäŋ piny kany en. Ŋat mo ŋäc ŋwiec da kany ba käädhe ri ŋwïëy, no oteeø da kany ba bööde ri leny, ni ŋat wø wïïe leer da kany ba jïte ki cam, ni ŋat wø waŋe riek da kany ba jïte ki jap kwärö, ni ŋat wø ŋäc jammi da kany ba jïte ki pwøc. 'Ba da kany mo öö ki gum dëël mo tägö kiperge bëët.

Aydheea 13:18

Athëëre moge, obwöc cwøw moa näk wøpe thöörge thöörö. Geni cwïnyge ba pädhi ki man 'näkge obwöre moa mar, ni yïthge ba warge ki 'näk obwöre moa therø.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 6:11

'Ba aani, wëër mar Wuuö Jwøk na liel bäätge kaamar maac, atïmö ni dagø cwïnya thuwø, ni tïme ni ba løny ki kan.» Ni kö Wuuö Jwøki jïra, ni «Kïth wëër mara bäät obwöre moo en dï paac, ki bäät wøpe moo en wïth mäc. Dïcwøø ki cïïe karge riet omak ki tøŋ, ni käl jäle, këël jäle moa døøŋŋø døc thuwø.

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Amøc 2:14

Këël dhaanhø mo ŋwïëy ŋääe ba bøth, ni ö ŋata dëëre teek ni bänh dëëre, ni ö ŋat lenynyi ni ba piem jwïëye.

1 Camiel 30:10

'Ba Deebit aput pöödhö ni läp køør jøøa tuk paac, ni cäädhi ka jiye ma dïpe aŋween, kiper jiye ma dïpe ariiø moa näk ööl døc, na näk naam kär løny jïge ki man ŋølge gø, gena dööŋ ni geno pï piny bäät naam kaace.