Aydheea 40:28 - Wëël Jwøk

²⁸ ?Aŋø, gïn kuyu? ?Käru wïnynyö? Wuuö Jwøk beeye Jwøk man wø bëëdö na bäre bäre, ni bee eni na cwääc piny bäre; eni dëëre ba øc piny ni eni ba ööl. Ena Jwøk mo tier leec wïc mare ba løny ki kwany.

Aydheea 40:28 Iomraidhean Croise

Wïlöölö 21:33

Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

Jööp 38:18

?A dööŋö mar bäät piny bäre ŋäyï? Caanï jïra, ni näk mo gïïögø bëët ŋäyï.

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 40:21

?Aŋø, gïn kuyu? ?Käru wïnynyö? ?Kär caanø jïïu dïkwøŋ ya acääŋŋe? ?Aŋø, tiere poot käru kwanyø en ki mana cak piny ya acääŋŋe?

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 59:1

Ka adïëri møn, cer Wuuö Jwøk ba ciek ki man kunye, eni wïnyö ni patha miiŋ;

Aydheea 66:9

Wuuö Jwøk, Jwøk maru, aköö, na «?Aŋø, løny man wëëga mäc lwaar tägö, ni nyilaal ba tïïa nee lwaarø ki gø? ?Na aŋø, aani ni wø wëëk dhaanhø lwaar, kar lwaar daa dëëdö?

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 32:17

«Wui, Kwäärö Wuuö Jwøk, beeye ï na cwääc maal ki piny ki køør teek badï na dwøŋ! Bäŋ gïn dhäthi jïrï!

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Maak 16:14

'Ba na näk ŋääe cään, Jecu dëëre acäŋ nyuth bääge na näk apaar kurciel ki dëëtge, ni ge ena kar cam, ni cään geni kiper mana teek cwïnyge ni kärge jïëy. Kiper luumma caan jøøa neen gø køør mana ö maal kärge jïëö.

Maak 9:19

Ni løgi ya Jecu jïge, ni «?U na beenhnhø mo bäŋ ŋäädhe jïïu en, a këël kany mo nyïëdi nø noo beeda ki uuni? ?Naa këël kany mo nyïëdi noo maa cwïnya ki uuni? Kälu eni baŋa.»

Luk 24:25

Kanyøgø Jecu aköö jïge, «U ni bäŋ wïdhi en, ni cwïnynyu teek ki man jïëyu moa car nyïïkuk Jwøki bëët!

Jøøn 14:9

Ni kö Jecu jïre, «?Aŋø, a kär bëëdö ki uuni ki kany mo bäär? ?A poot kuyï en, Pilip? Ŋat maa ee neenø, Wuuö ee nø neen. ?Aŋø ni kööï, ni ‹Nyuth wa Wuuö›?

Jøøn 5:17

'Ba aløk Jecu jïge, ni «Wära poot tïïö, ni pooda naa tïïö thuwø.»

Moa Tïïc Nyïïatwieli 13:47

Kiper beeye luumma caan Wuuö jïwa, na kööe, «ni ‹Ïïna thïïŋa niï tïmï ni ïïna tar kiper juurre, kiper nee pïëm man piem jiy ki gø kïthï yi piny kare bäre.› »

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

1 Körin 2:16

?Kiper «Aŋa ni wø ŋäc moa en cwïny Wuuö Jwøk nee eni nyuunhnhe?» 'Ba beeye øøni na wëëk moa en cwïny Krictø.

1 Körin 6:16

?Kuyu ni ŋat wø dwal dëëre ki kääbi wø tïmö na dëël aciel ki eni? Kiper ogöörö, ni «Geni na näk ariiø otïmö na dëël aciel.»

1 Körin 6:19

?Aŋø, kuyu ni rïŋ dëëtu beeye øt Jwøk mar Jwïëc Jwøk na en kur keere ni en cwïnynyu, na jootu baŋ Jwøk? Uuni, u ba bëëdö ka wïthu,

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

Tiet Ciik 33:27

Jwøk na nut cøøn beeye eni wø bëëdu ree ni wø gwøk uuni; ni bëëdö ni u ee jølø cooth ki ceŋŋe. Ni beeye eni na riem nyïïmännu wøk nyïmmu; ni caan gø jïïu kiper nee geni thööru.

Pilipay 1:6

'Ba ŋääa ni eni na nø tägö ki tïïc mo beer dëëtu, oput tïïö këël mano thur kare dïcäŋo näk cäŋ Jecu Krictø.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Camiel 2:10

Jø wø bëëdö ni ge gëëmö ki Wuuö Jwøk ge di raanynyø, ni ö wëëc Jwøki ni märe bäätge kaamar køth mo pöödö maal. Wuuö Jwøk luumme ŋøle ŋølø bäät piny bäre, këël mano këët teegi mo piny. Ni ö eni ni cïp teek mare jï ŋato cuume na nyeya, ni tïïc teek mar ŋatøgø noo røøny enø ni cäätha maal.»