Aydheea 40:24 - Wëël Jwøk

²⁴ 'Ba kanyo pootge ni ge poot kär tïmö kaamar nyijaath mo onø piith, ni ge poot kär tïmö kaamar nyijaath mo onø tøøk, mo lweete onø këët piny yïth ŋøøm, Wuuö Jwøk jamø wëëge kwöt bäätge ni talge, ni ö geni ni køøli ya apwøyaweerø kaamar lethø.

Aydheea 40:24 Iomraidhean Croise

2 Camiel 22:16

Wui Wuuö Jwøk, kanya wëërï ki nyïïmännï niï jooga geni, kanya jwïëyï ki jwïëy mo dwøŋ, tiet ŋøøm aput nëënö, ni ö pï naama dwøŋ ni pääŋge rege këël mana nëën ŋøømmi.

2 Nyeye 10:11

Kanyøgø Jiyu jø dhi øt Akap bëët moa no odööŋ na en Jedhriel ki jøøa døøŋŋø moe, ki jøøa näk eno ŋïyö ki geni, ki dïlämme moe, aput näk ge bëët, ni bäŋ dhaanhø aciel mo ee wiiø jïgø ni kwøw.

Jööp 21:18

?Aŋø, ge caala lethø ni wø kwør jamø, wala tør ni wø køøl apwøyaweerø?

Jööp 4:9

Geni, ge di raany jamø mano ö wøk ki dhi Jwøk, ni thøwge ki wëër mare ni wø liel kaamar maac.

Jööp 8:17

ni lweedi moe tuya yïthakic kïte, ni ge rïïö ki karge yïth kïte.

Pwöc Leec Wïc 1:27

ni beeye gïï mo leth mo raanynya uuni kaamar jwïïö, na gïï mo leth mo køøla uuni kaamar atuunna, na gïï mo duunnö ki rääm ki pänh cwïny dëëtu.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 17:11

ni ciellu gø ki kal dïcäŋo piithu gø yie, ni noo tïme na amöölla, gïïa piithu puta døøŋŋø ni ŋøøkge, kanyo kaay bäŋ gïn mo joot, ni ö dïcäŋeca ni tïme na cäŋ täwe ki rääm mo leth.

Aydheea 17:13

Wïth juurre döötge märö kaamar lwör mar pïï mo thööth; 'ba kanyo ö Wuuö Jwøki noo jook geni, ge puta bwøk ni reŋge kany mo bäär. Ni put ge riemmø ni køøl ge kaamar luum mo ena bäät kïte kanyo køøli ya jamø, wala tør kanyo køøli ya apwøyaweerø.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 37:7

Ka adïëri møn, aani bääte kïtha kïthö ki jwïëy, ni ö eni ni wïnye ka akøpi ni døø yi ŋöömö mare. Ni tïïa eni nee 'näk ko opëëllö yi ŋöömö mare.› »

Aydheea 40:7

'Ba luum wø tal, ni päth wïïe piny, kany wø ö jam dhi Wuuö Jwøk wø kwöt dëër gø; kiper ka adïëri møn, jiy caala luum.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 41:2

?Aŋa noo tïŋ maal ki ŋat mo käla kur tuul-cäŋ, ni cwøla gø ki køør adïëri mare kiper tïïc mare, nee wïth juurre cïp cere, ni tïïc nyeye ni ena tiere, nee ge tïïe kaamar tør ko opëëllö mare, ni tïïc geni ka atheerø mare kaamar lethø mo okøøl apwøyaweerø?

Jeremaya 22:30

Mana caan Wuuö Jwøki beeye en, ena köö, «Göör nyeŋ Jekönaya piny na dhaanhø mo kee bäŋ wïïe mo ee nywølø, na dhaanhø mo bëëtö mare ba bëënynyi ki yïth nïr kwøw moe; kiper ki røk jiy moo käl dëëre, bäŋ dhaanhø mo bëënynyi, ni bäŋ dhaanhø mo pï piny bäät wäl Deebit, ni bäŋ dhaanhø mo käär jø Juuda.»

Jeremaya 23:19

'Ba ennø, wëër mar Wuuö Jwøk öö bäät jøøa reyø kaamar atuunna, ni beeye atuunna mo teek døc mo raanynya geni.

Odheea 13:15

«'Ba jø dhi øt Ipariem këël doo bëëdö ni jammi bëët päŋ jïge dï nyïïmëëkge, jamø man wø ööi ki kur tuul-cäŋ jääŋŋa jääŋŋö bäätge, a na Wuuö Jwøk, ni kwönne ki dïtëën; ni ö jøør moge ni putge niŋul, ni ö aguule moge ni putge talø. Ni ö gïïa perge leth na en kwör kän moge ni puti twier bëët.

Odheea 13:3

Kiper manøgønø, ge caala rwöc mar amöölla, ni ge caala thööy ni wø laar rwäänyö, ni ge caala lethø ni wø laar jamø køøl kar dïn beel, ni ge caala jïrö ni wø duny wøk ki dha awëërnyeŋ.

Neeyam 1:14

Wuuö Jwøk akän wøk ki ciik kiperï, ï na Nineba: «Bäŋ jiy mo jootï këët mo öö ki dëërï mo käära nyeŋŋï. Aani juu moï ki kït gïï wø lam ni wø en yi øt juu moï raanynya raanynyø. Aani bwörö marï jiiŋŋa jiiŋŋø, kiper ï bäŋ karï këët.»

Agëë 1:9

U cädö nou jïtö ki mo thööth, 'ba tïmö nou joota mo nøk. 'Ba kany wø kïthu ge paac, puta ka kooth ki jam dhaa.» Køøre Wuuö Jwøk, eni na wïth jammi bëët, aköö, na «?Aperŋø ni wø täk gïïögø? Beeye kiper na weyu øtø mara no oränynyö, ni tïm ŋati man nø ni lääŋŋa øde keere ki man jiiŋ gø.

Dhekaraya 7:14

'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »

Dhekaraya 9:14

Kar kaace Wuuö Jwøk ree onyoodhe bäät jiye ki man køny geni, na atheerø mare nadaaŋ kaamar agaackøth. Kwäärö Wuuö Jwøk tuuŋ okoodhe, ni wëëk atuunna kwönnö ni teek ki jï løø tier-piny.