Aydheea 40:22 - Wëël Jwøk

²² Bee eni ni wø pï piny maal, ni piny ee luuŋ piny, ni jø piny bëëdö ni nëëni kaamar aditwie; ni maal ee peerø kaamar abïï ma gëëŋi, ni ee peerø kaamar oduŋkaara na kar bëëtö.

Aydheea 40:22 Iomraidhean Croise

Wïlöölö 1:6

Køøre Jwøk aköö, ni «Beerra man tïm maalli ni dagø yïthakic pïï nee pïï pääŋŋe ki dïge.»

Jööp 22:14

Kee eno gëëŋ pöölö mo odhïŋ, ni ba løny jïre ki man joot øøni, ni eni cäädha kar bëëtö mare maalø.›

Jööp 26:7

Eni maal apeere yi bääru jaak mo bäŋ gïrpiny yie; ni wëëk piny cuŋŋö bäät gïn mo bäŋgø.

Jööp 36:29

?Aŋa ni ŋäc yi jöö mana ö eni na peer pøøl ki gø, ki yi jöö man wø wëëk odäru köö ki gø yi kar bëëtö mare maal?

Jööp 37:18

løny jïrï ki man kønyï Jwøk ki tïïc kany wø peer maal, ni ee tïïö ni tøŋ ni paŋŋi kaamar cïläälca?

Jööp 9:8

Eni keere maal apeere, ni bee eni ni wø cäädhi ki bäät athaŋ naama dwøŋ.

Pwöc Leec Wïc 8:27

Kanya ö eni na cwääc maal, a nutö, këël ki kanya kiiw nyeŋ kee mo näpa døøŋŋø.

Aydheea 19:1

'Ba luumma nyooth Wuuö Jwøki kiper jø Ijep beeye en: Ka adïëri møn, Wuuö Jwøk öö ni ena bäät pöölö mo rïïŋö døc, ni ööa Ijep. Ni ö kït gïï wø lam mo jø Ijep ni put dëëtge tïmö ni kwanynyi nyïme, ni ö cwïny jø Ijepi ni bwøkge ki gø.

Aydheea 37:16

«Wui, Wuuö Jwøk, ï na wïth jammi bëët, na näk Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

Aydheea 40:15

Ka adïëri møn, wïth juurre caala ŋïnh pïï mo töön piny ka tier agwäy, ni ge bëëdö kaamar tør mo thiinh mo ena bäät gïr røm. Raŋŋu, Wuuö Jwøk wïth juurre mo wø bëëdö yïth mïëri moa en bäät naama dwøŋ tïŋe maal ni jööt jaak kaamar tør mo otwäät.

Aydheea 40:17

Ki baŋ Wuuö Jwøk, wïth juurre bëët nëëni kaamar gïn mo bäŋ kwäänne, ni raaŋe kaamar gïn mo thiinh døc mo bäŋ tiere.

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Jeremaya 10:12

'Ba beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Kwään Jiy 13:33

Ni jootwa jø Nëpilim thuwø kaace, na käl nyïïkwaac Anak rege. Ni neenwa rewa kaamar adïtwie, ni nëën wa thuwø na enønø ki baŋge.»