Aydheea 40:11 - Wëël Jwøk

¹¹ Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 40:11 Iomraidhean Croise

Wïlöölö 33:13

'Ba Jeekap aköö jïgø, ni «Ŋäyï, ï na kwäärö mara, no obwöre therø, ni ŋäyï ni dïëk ki dhäk moa näk nyoori poot raŋŋa jïra. Ni ni näk mo ge di kwørø døc këël dïcäŋ aciel keere, ge puta thøø bëët.

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

Dut Pwøc 80:1

Aydheea 42:3

Eni otöök mo onyøc, ba toore, ni lamba mo manynya thøø ba nääe; 'ba ŋøl luup mana näk kare beeye noo tïïe.

Aydheea 63:11

Køøre geni, ge na jic Wuuö Jwøk, wïthge aparge ki nïne moa pöödhö mo Modhe, ni köge, na «?Age Wuuö Jwøk na tïïc jiye nee pööthge ki yi naama dwøŋ, ge ki dïbwödhi marge? ?Age eni na cïp Jwïëy moe na en kur keere bäätge?

Jeremaya 31:10

«U na wïth juurre, wïnynyu luum Wuuö Jwøk, ni caannu gø jï mïëri moa kwörge bäyö, ni kööu, ni ‹Eni na keeth jø Icriel, ge cäŋe ka cooŋŋø, ni gwøk geni kaawat man wø ö dïkwääyi wø gwøk pïïth dïëk moe.›

Jeremaya 31:8

Ka adïëri møn, a na Wuuö Jwøk, ge 'duua kany ki yi paana en jï løø wï-piny, ni lema geni yïth kwöra bäyö bäät piny bäre, ki jiy moa näk cööye ki moa näk ŋööte moa en dïge, ki mään moa näk yïthge da jiy, ki mään moa näk dëëtge da mäc lwaar bëët; ni duuge kany ni gena lwaak mo päl.

Edhikiel 34:15

Aani, pïïth dïëk 'moa caama caamø ni bwødha geni kar jwöm. Manøgø beeye dwøra, a na Kwäärö Wuuö Jwøk.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 34:2

«Wär dhaanhø, caan luum ajäla man jï dïkwääc dïëk mo Icriel, caanï jïge ni kööï ni man beeye luumma caan Kwäärö Wuuö Jwøki, ena köö, no ‹Otïmö ni leth jï dïkwääc dïëk mo Icriel mo wø bëëdö ni ge gwøga rege keerge. ?Aŋø, tïïc mar dïkwääc dïëk, paa kwaac pïïth dïëk na bëëde?

Edhikiel 34:23

Ni cïpa bäätge ki dïkwääy aciel, ni beeye dhaanhnha ma Deebit. Eni, geno caame; eni ki dëëre geno caame ni put tïmö ni ena dïkwääy marge.

Edhikiel 34:31

'Ba u na dïëk 'moa, ni bee u dïëk 'moa mo wø caama, uuna jiy 'moa, ni aana Jwøk maru.› Luummögø caana Kwäärö Wuuö Jwøki.»

Edhikiel 37:24

« ‹Dhaanhnha ma Deebit otïmö na nyeya marge, ni tïmge ni ge ena tier dïkwääy aciel bëët. Geni, køør ciik 'moa ocaathge, ni bëëtge ni luup 'moa gwøkge gwøø ni kïthge ge bäät tïïc.

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Dhekaraya 11:7

Kiper manøgønø, pïïth dïëk moa no omooø ki ŋïï kiper ŋaal agwøa, ni beege dïëk moa näk ocännö døc. Køøre aana lwötö ka athøre ariiø, ni caa nyeŋ mana dïkwøŋ ni Mëër, ni ö nyeŋ maya ni caa gø ni Dwätö; ni puta pïïth dïëk gwøk.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

1 Piter 2:25

Kiper uuna kwøŋ bëëdö kaamar rööm mo orwäänyö, 'ba kawaane uuna duu baŋ Dïkwääy na näk Dïkuri mar jwïëyu.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»