Aydheea 4:3 - Wëël Jwøk

³ 'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 4:3 Iomraidhean Croise

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 28:5

'Ba dïcäŋeca Wuuö Jwøk, eni na wïth jammi bëët, otïmö ni beeye aduda mana mïërö, na adun ajiem kiper jiye moa dööŋ ni kwøw.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 46:3

«Wui, jø dhi øt Jeekap, cegu ïthu ki mara, u na jø dhi øt Icriel moa no odööŋ, u na käära ki mana täge nou ena ec, naa poot bëëdö naa käära uuni ennø ki mana täge ki kanya nywøl uuni;

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Edhikiel 13:9

Aani cera tïŋa maal bäät jø wø tïïc rege na nyïïkuk Jwøk ni jääla geni, jø wø cäänö ki luup tööt ni da gïï mo onyoodhø jïge, ni marge adïëda jaak. Geni, ge tïïa tïïö ni bäŋ karge yïthakic jaae 'moa, ni ba göör nyeŋge piny yi wëël nyeŋ mar jø dhi øt Icriel, ni ba døøge yi ŋööm Icriel na bäre bäre. Køøre nø, ŋäyu ŋääö ni beeye aani na Kwäärö Wuuö Jwøk.

Edhikiel 43:12

Man beeye ciik kiper Øt Jwøk: Ŋøøm moa en deŋ øtø bäre bäät kïdi, wär bëëde ni beeye kanya en kur keere døc na pere leth. Manøgø beeye ciik kiper Øt Jwøk.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Dhekaraya 14:2

Wuuö Jwøk aköö, ni «Aani, wïth juurre bëët ge cooŋa cooŋø ni öge kuna këëtge ki Jerucalem. Pääny Jerucalem omak, ni twier uudi moe, ni gøc mään moe ki piny, ni ö thääŋö mar jiy ni mak geni ki tøŋ. 'Ba jiy moo dööŋ ni kwøw, ge ba ŋul wøk këët yi pääny.»

Milkiya 3:16

Køøre jøøa lwäär Wuuö Jwøk gena cäänö yïthakicge keerge, ni ö Wuuö Jwøki ni cek ïthe ni wïny marge. Ni ö wëëlö ni gööri nyïme kiper jøøa lwäär eni na wøør nyeŋŋe, nee bëëtge ni ge di lääŋŋö.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Moa Tïïc Nyïïatwieli 13:48

'Ba na ö luupögø na wïnynyi ya juurre, yïthge amïnnö ni jiemge luum Wuuö. Ni ö jøøa näk ojier Jwøki bëët kiper kwøw mana näk adïëri mo bäŋ cuŋŋe, ni jïëcge.

Wëëlö Mana Göör Pøølli Baŋ Jø Röm 11:4

?'Ba agïnaŋø na dwøk Jwøki jïre? Ena köö, ni «Jïra da jiy ma kume abïriiø mo yaa gwøø kipera, mo cøŋge kärge këël piny kiper Baal.»

Wëëlö Mana Göör Pøølli Baŋ Jø Röm 11:5

Kaawat manøgø thuwø, kawaane poot da jiy møøk mo odööŋ, mo ojier Jwøki ki met yie.

Epeca 1:4

kaawat mana ö eni ni jier øøni ni kïth øøni dëër Krictø kanya poot pinynyi ni kär cwääö, kiper nøø tïmø ni ø ena kur keerø na mo Jwøk ni bäŋ ajäla dëëtø nyïme.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 17:8

Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.