Aydheea 4:2 - Wëël Jwøk

² 'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 4:2 Iomraidhean Croise

Bwøth Wøk 28:2

Ni tïïï ka abïïe mo ena kur keerge nee tïmge na jap ajiem ni jap mïërö jï cöögu ma Aran.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 27:6

'Ba noo tïme na yïth nïrögø, Jeekap tiere okëët piny kaamar jaath mo lweete okëët piny, ni ö eni na Icriel ni lødhe, ni ŋøøe, ni ŋweele, ni pääŋ bäät piny bäre ki nyïëdi.

Aydheea 30:23

Køøre nø, Wuuö Jwøk køth ojääŋŋe jïïu kiper köödhi moo piithu yi ŋöömö, ni ö jammi moo ciek yi ŋöömö ni duunne jïïu ki cam mo päl. 'Ba dïcäŋece, lääc paac mou geno cämö kar kwaath mo laac.

Aydheea 45:8

«Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 33:15

« ‹Noo tïme na yïth nïröke yi kar kaace, ŋat mo mare beeye adïëri owëëga twöö na lwiidhø, na ŋat mo käla ri dhi øt Deebit, ni ö ŋatøgø ni bëëde ni luup ŋøle na karge ni tïïya adïëri yi paac.

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Jeremaya 44:28

'Ba mo nøk keerge moo bøth dho opëëllö, geno aa wøk ki yi ŋööm Ijep ni døøge yi ŋööm Juuda. Køøre jø Juuda bëët moo dööŋ moa ö Ijep baŋ bëëtö, kar kaace oŋäcge ki man näk mo thura luumma kare wala marge.

Edhikiel 34:29

Ni kïtha geni yi ŋöömö mana ŋäc ni cam ciek yie døc, ni putge bëëtö yi gø ni bäŋ käc këët mo ööl geni, ni bäŋ ajøøŋ mo jwørge këët baŋ wïth juurre.

Edhikiel 36:8

« ‹'Ba u na kïte mo Icriel, jenni moa en bäätu oløth ni ŋweelge ki nyïëdi jï jiya ma jø Icriel; kiper ge duua paac ki kany mo cään.

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Jool 3:18

«'Ba kanyo tïme na dïcäŋece, kïte tïmö ni lwanynyi ki køøŋ nyïïomøki mo ŋweeth, ni tïm thuuri ni caak kwönna wøk ki bäätge, ni tïm nyeŋ nämmi moa en Juuda ni kwödö ki pïï. Ni tïm pï jøøro ni kwönna wøk ki yi Øt Wuuö Jwøk, ni jwøc goor Cëthim.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Milkiya 3:17

Ni kö Wuuö Jwøki, eni na wïth jammi bëët, ni «Geno tïmö na 'moa, ni tïmge na thööga dïcäŋo täga ki tïïc. Ni bäädha cwïnya ki geni keda man wø ö dhaanhe wø bääth cwïnye ki wääde man wø tïny gø.

Mathiew 24:22

'Ba doo na nïrögø kär tïïö ni nøk, doo bäŋ dhaanhø mo doo piemø. 'Ba kiper jøøa no ojierø, nïrögø otïïc ni nøk kiperge.

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

2 Piter 1:16

Kiper kanya køpwa gïr teek Kwääyø ma Jecu Krictø ki öönynye, wa ba caath køør waac mo waac ka riek waŋ, 'ba waana lïŋŋe ma ajiem mare ewa neenø ki nyeŋwa.