Aydheea 39:2 - Wëël Jwøk

² 'Ba Edhekaya jiy moa jääŋŋi apänhnhe ki met ec, ni nyooth jammi bëët jïge moa en yi øt kän mare, ni beege gwel-bïrö, ki warkey, ki gïï wø ŋwääi wø tïïc kadø ni met, ki maaw mo pere leth, ki jap leny moe bëët, ki jammi moe bëët moa perge leth. Bäŋ gïrpiny mo ena yi øde wala mo ena tier buc nyec mare mo odööŋ mo käre nyoodhø jïge.

Aydheea 39:2 Iomraidhean Croise

1 Nyeye 10:10

Køøre nyijøøgø aput cïpö jï nyeya ki warkey ma rumme ma kikarri ma dïpa ki pïërariiø, ki teeŋ gïï wø ŋwääi ni wø tïïc kadø ni met mo thööth døc, ki nyeŋ kïte mo mïërö mo perge leth mo thööth. 'Ba bäŋ gïï wø ŋwääi ni wø tïïc kadø ni met mo ocäŋ käl po nyeya këët mo caala moa käl nyijøøgø na nyeny Cïïba enø jï nyeya ma Cølöman.

1 Nyeye 10:15

ni moa jwäk baŋ jø gath, ki mo wø jwäk nyec Arabe, ki jiy moa no ocuumö yïth ŋøøp jø Icriel kär kwaan rege.

1 Nyeye 10:2

Køøre nyijøøgø aö yi Jerucalem ni käädö ki lwaak mo päl døc, ka athïrööle mo tïëdö ki gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba kanya pïïe baŋ Cølöman, Cølöman apëënynye ki luup bëët moa en cwïnye.

1 Nyeye 10:25

'Ba jiy bëët mo wø ööi ki yi cwiir cooth, ge käädö ki muuce, ni beege jammi moa näk tïïc ka gwet-bïrö, ki jammi moa näk tïïc ka warkey, ka abïïe, ki jap leny, ki teeŋ gïï wø ŋwääi ni wø tïïc kadø ni met, ko okwëënyi, ki gääŋŋe.

2 Nyeye 20:13

'Ba Edhekaya jiy moa jääŋŋi apänhnhe ki met ec, ni nyooth jammi bëët jïge moa en yi øt kän mare, ni beege gwel-bïrö, ki warkey, ki gïï wø ŋwääi wø tïïc kadø ni met, ki maaw mo pere leth, ki jap leny moe bëët, ki jammi moe bëët moa perge leth; ni bäŋ gïrpiny mo ena yi øde wala mo ena tier nyec mare mo odööŋ mo käre nyoodhø jïge.

2 Luup Nyeye 32:25

'Ba Edhekaya bäŋ pwøc mo ee dwøgø jï Wuuö Jwøk na kar gïna beer na joode, kiper cwïnye ajïtö ka atöör. Kiper manøgønø, wëëc Jwøk aö bääte ki bäät jø Juuda ki jø Jerucalem.

2 Luup Nyeye 32:27

'Ba Edhekaya atïmö no okwär døc no owøørø; ni tïïe ki uut kän jïre kiper gwet-bïrö, ki warkie, ki nyeŋ kïte moa perge leth, ki gïï wø jïcge ŋwääi ni met, ki kööt leny, ki wïth jammi ma teeŋi mo perge leth.

2 Luup Nyeye 32:31

'Ba këël kanya ö jiyi ki røk kwääri mo Babiløn, na jääŋŋi baŋe ni pëënynya eni ki ŋïï mana rëëm ec na tägö yi ŋöömö mare, ena wec Jwøki keere ni Jwøk päänynya eni kiper nee luup moa en cwïnye bëët nee ŋäc Jwøki.

2 Luup Nyeye 9:1

'Ba kanya ö nyijøøa no orøønyø na nyeya mar Cïïba na wïny gïr wïny nyeŋ mar Cølöman, ena ö yi Jerucalem kuna pëëny Cølöman ki pïëc mo teek. 'Ba ena öö ni käädö ki lwaak mo päl ka athïrööle mo tïëdö ki teeŋ gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba eni kanya pïïe baŋ Cølöman, luup bëët moa en cwïnye acaane jï gø.

2 Luup Nyeye 9:9

Køøre nyijøøgø aput cïpö jï nyeya ma Cølöman ki warkey ma rumme ma kikarri ma dïpa ki pïërariiø, ki teeŋ gïï wø ŋwääi ni wø tïïc kadø ni met mo thööth døc, ki nyeŋ kïte mo mïërö mo perge leth mo thööth. 'Ba bäŋ teeŋ gïï wø ŋwääi ni wø tïïc kadø ni met mo okwøŋ käl po nyeya ma Cølöman cøøn mo caala moa käl nyijøøgø na nyeny Cïïba enø jïgø.

Jööp 31:25

ni yia omïnnö ki jap kwärö 'moa na thööth, ni beege japa tïïa ki ceŋŋa;

Pwöc Leec Wïc 4:23

Ki røk jammi bëët, koor wïïï, kiper beeye jøøro mar kwøw.

Luup Dïpööy 7:20

Ka adïëri møn, bäŋ dhaanhø mo mare adïëri bäät piny kany, mo bëëdö ni tïïya gïn mo beer cooth, ni ba bääyi.

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

2 Körin 12:7

'Ba kiper naa ba kanynya døc ni kaala kanynyø mana daa kanynyø ki gø kiper gïïa thööth na nyooth jïra, koodhø akïth dëëra na näk nyïïatwiel Ceethan kiper naa ööle, naa ba kanynya døc ni kaala kanynyø mana daa kanynyø ki gø.

1 Jøøn 1:8

'Ba ni näk mo ø köö ni bäŋ raay dëëtø, ø cøøga røgø, na adïëri ba en cwïnynyø.