Aydheea 37:4 - Wëël Jwøk

⁴ 'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Aydheea 37:4 Iomraidhean Croise

2 Camiel 16:12

Kanymør thuwø Wuuö Jwøk caannø man caan a ki gø en di neenø ni tïïe ki gïn mo beer jïra na kar ajaany man jany aani ki gø dïcäŋi en.»

2 Nyeye 17:18

Køøre, Wuuö Jwøk awëër døc ki jø Icriel, ni riem ge wøk buute, ni bäŋgø mo odööŋ; 'ba beege jø tuuŋ Juuda keerge.

2 Nyeye 19:4

Kanymør ni Wuuö Jwøk, Jwøk marï, luup bëët moa caan Rapcakë, ŋata jääŋ nyeny Aciria nee eni na Jwøa kwøw pääde, wïnynye wïnynyö, ni ö eni na Wuuö Jwøk ni jook ŋata wïny luup moøgø dhi gø. 'Ba kiper manøgønø, beerra man lämï jï Wuuö Jwøk kiper jiy moa no odööŋ ni kwøw.› »

2 Luup Nyeye 28:19

'Ba Wuuö Jwøk Juuda adwøk piny kiper bëët Eeyeth nyeny Icriel, kiper mana wëëk jø Juuda bëëte ki wïthge ni mare bääö døc dëër Wuuö Jwøk.

2 Luup Nyeye 34:21

ni «Cou pëënynyu dwør Wuuö Jwøk kipera, kiper jiy bëët moa dööŋ Icriel ki Juuda, kiper luup mo wëël ciik man na joot en; kiper wëër mo dwøŋ mar Wuuö Jwøk aö bäätø kiper mana ö kwäyø ni kärge dwør Wuuö Jwøk jïëö ki køør luup moi bëët no ogöör yi wëël ciik man en.»

Aydheea 1:8

'Ba Dhayan awec ni dööŋe ni caala abïl koor man wø dööŋ yi pwödhö, ni caala pääny mo ociel dëëci dïër.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 10:20

'Ba noo tïme na dïcäŋeca, jø Icriel moo dööŋ ni kwøw, na bøth ri dhi øt Jeekap, otïmö ni ge ba göök ri jiy moa thöör geni këët, 'ba ge puta göök ri Wuuö Jwøk, Jwø Icriel na en kur keere na adïëri møn.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 36:13

Kanyøgø kwääy lwaa leny aput ö maal ni rwääye ki dhi Ibaru ni dwøre ee tïŋ maal ni kööe, ni «Uuni, wïnynyu dwør nyeny Aciria na dwøŋ.

Aydheea 36:18

« ‹Gwøgu rou nee Edhekaya wïthu ba maaŋŋe ki køør man wø kööe, ni «Wuuö Jwøk ø pieme piemø.» ?Aŋø, da jwøk røk juu mo wïth juurre, mo jiy moa bëëdö yi ŋöömme ee piemø cer nyeny Aciria?

Aydheea 36:20

?A juuge moe røk juu bëët mo tiet mïëri moøgø mo jø wø bëëdö yïth ŋøøpge ege piemø cera, ni tïme ni Wuuö Jwøk jø Jerucalem pieme piemø cera en?› »

Aydheea 37:17

Wui, Wuuö Jwøk, cek ïthï, ni wïnynyï lam mara. Wui, Wuuö Jwøk, jap nyeŋŋï ni räŋŋï; ni wïnynyï luup bëët mo Cenakerëp nyeny Aciria, na jääŋ jiy nee ï pääde, ï na Jwøa kwøw.

Aydheea 37:31

'Ba jiy moo dööŋ ni kwøw røk jø dhi øt Juuda, tietge cäŋa këët piny ni nyaacge.

Aydheea 37:32

Kiper da jiy mo dööŋ mo tuula wøk ki yi Jerucalem ki bäät Kïn Dhayan. 'Ba gïnögø otïïc Wuuö Jwøki, eni na wïth jammi bëët, ki køør këëyö mare.»

Aydheea 37:5

Kanyøgønø jic nyeya ma Edhekaya gena put ö baŋ Aydheea.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 46:3

«Wui, jø dhi øt Jeekap, cegu ïthu ki mara, u na jø dhi øt Icriel moa no odööŋ, u na käära ki mana täge nou ena ec, naa poot bëëdö naa käära uuni ennø ki mana täge ki kanya nywøl uuni;

Jeremaya 26:19

?Aŋø, Edhekaya nyeny Juuda ki jø Juuda bëët Mikiya anäkge na bëëde? ?Aŋø, Edhekaya kär lwäyö ki Wuuö Jwøk, ni bëëde ni kwaaya Wuuö Jwøk, ni ö Wuuö Jwøki ni dwøk cwïnye piny ki man ba tïïc gïna leth na caane ni dee tïïö dëëtge? 'Ba ennø, ø käla gïn mo raac døc bäätø.»

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Daniel 2:18

kiper nee met yi Jwø maal pëënyge kiper gïnögø ni tiere okanø enø, nee eni na Daniel ki nyïïawäätge nee ba 'näk na aciel ki jø Babiløn moa nyeŋge reegø moøgø.

Jool 2:17

Beerra man ö dïlämme ni wø tïny Wuuö Jwøk, ni jwöŋge yïthakic gïn wø cïp olämme bääte ka agööl dhi Øt Jwøk, ni köge, ni «Wui Wuuö Jwøk, cwïnyï pädhe ki gïr jiyï, ni ba tïïyï jiyï na näk thöögï na gïr apääda, na gïr aŋaada dï wïth juurre. ?Aŋø, wïth juurre doo pëëö møn, ni ‹?Jwøk marge en kaa?›?»

Amøc 5:15

Männu ki gïna raac, ni mëërru ki gïna beer, ni cïpu ŋøl ma kare kar løøk; kanymør Wuuö Jwøk, eni na wïth jammi bëët, yie bänhnhö ki jø paac moa dööŋ.

Amøc 7:2

Kanya ö bäänyö na thöör gïïa no otuy bëët bäät piny, Wuuö Jwøk akwaaa ni kööa, ni «Wuuö Jwøk, wëën jic Jeekap. ?Geno kwøwge nidïï? Kiper ge jägö døc.»

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

Jøcua 14:12

'Ba ennø, akwaya ïïni, nee mïëyö ni en bäät kïte yøø cïpï jïra. Ni beege mïëya cään Wuuö Jwøki kiperge kar kaaca. Kiper kar kaaca thuwø ŋäyï ni jø Anak bëëdö kaace, ni päänye moge døøŋŋø, ni ege geerø ni teek døc; 'ba yaa ŋäädhö ni Wuuö Jwøk oen buuta, nee tïme ni løny jïra ki man riema ge wøk, kaawat mana nø caani ya Wuuö Jwøki.»

1 Camiel 12:19

Køøre jiy bëët aköö jï Camiel, ni «Lämï jï Wuuö Jwøk Jwøk marï kiperwa, nee wa ba thøwa, wa na jiyï; kiper waani, raay mowa, bäätge amëënwa ki gïn ni raac en, ni beeye ki mana pëëwa ni röönyö ki nyeya.»

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.

1 Camiel 14:6

Køøre Jönathan aköö jï nyena käär jap leny jïre, ni «Ööï, ø aa ŋutø kar koor mar jøøgø ni kär daŋø yøø; kanymør Wuuö Jwøk tïïö ki gïn mo beer kiperø. Kiper bäŋ gïn mo mäna Wuuö Jwøk ki man kunye ki ri jiy mo thööth wala ki ri jiy mo nøk.»

1 Camiel 17:26

Køøre Deebit acäänö ki jøøa cuŋŋö buute kaagø, ni kööe, na «?Agïnaŋø noo tïïc jï ŋato käl ajøøŋ wøk bäät jø Icriel ki køør mano 'näk nyï Pilitin manøgø? ?Aŋø, nyï Pilitin manøgø ni kär daŋø enø aŋa, ni ŋwöö bäät jø leny mo Jwøa kwøw en?»

1 Camiel 17:36

Aani, a na dhaanhnhï, aano nääö ki teeŋ lääy moøgø; 'ba nyï Pilitin manøgø ni kär daŋø enø, nääa nääö kaawat mana nääa teeŋ lääyögø, kiper mana ŋwöe bäät jø leny mo Jwøa kwøw.»

1 Camiel 7:8

Køøre jø Icriel aköö jï Camiel, ni «Put bëëtö niï lämö kiperwa jï Wuuö Jwøk, Jwøk marwa, kiper nee wa kønye ceŋ jø Pilitin.»