Aydheea 37:37 - Wëël Jwøk

³⁷ Kanyøgø Cenakerëp nyeny Aciria aput tïŋŋö ni døø paare Nineba, ni bëëde yie.

Aydheea 37:37 Iomraidhean Croise

2 Nyeye 19:1

'Ba kanya ö Edhekaya na wïny gïnögø, eni abïïe moe aput jeeyø ki pänh cwïny, ni dwøl keeca dëëre, ni døny yi Øt Wuuö Jwøk.

2 Luup Nyeye 32:1

'Ba køør tïïe moøgø na näk karge yøø na tïïc Edhekaya, Cenakerëp nyeny Aciria aöö ki jø leny moe ni tuk Juuda, ni ciel päänye mo Juuda dïër moa näk kiiri moge ogeerø ni teek, ni cäde ki man døny yïthge ki teek nee maae na moe.

Aydheea 31:8

'Ba jø Aciria di nääö ko opëëllö mo paa mar dhaanhø, ni ö opëëllö manøgø ni paa mar dhaanhø enø ni thöör geni. Geni ge ba bøth ki thøw opëëllö manøgø, ni ö cwøw moge moa näk wøpe ni tïmge na jø tïïc mo wø mak ki teek.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 33:19

Uuni, jø atöör moøgø ba jootu këët, ni beege jø wø cäänö ni dhøk marge kuc, ni wø car luup mo tietge ba kwany, ni wø cäänö ni keda ge gwøŋ, ni tiet luup moge ba ci cwïny.

Aydheea 37:29

'Ba kiper wëër mana wëërï ki aani, ka atöör marï mana jooda, aani umï gäna gänö ko obïth mara, ni kïtha dhiï ki nywïëny dho okweeny, ni wiira wïïï ki gø, ni dwøga ïïni ki jöö mana ööï ki yie.›

Aydheea 37:7

Ka adïëri møn, aani bääte kïtha kïthö ki jwïëy, ni ö eni ni wïnye ka akøpi ni døø yi ŋöömö mare. Ni tïïa eni nee 'näk ko opëëllö yi ŋöömö mare.› »

Joona 1:2

ni «Ö maal ni ciï Nineba, päänya dwøŋ, ni cäänï dëëre, kiper rääö mar jiye aöö ni pïïe maal baŋa.»

Joona 3:3

Køøre Joona aput ö maal ni ci Nineba ki køør dwør Wuuö Jwøk. 'Ba Nineba beeye pääny mo dwøŋ døc, ni ki man ŋøl dïëre känna wøk ki nïne adäk.

Joona 4:11

?A aani, cwïnya a ba dee pädhö nidïï kiper Nineba, päänya dwøŋ na näk yie da jiy mo kaala kume ma dïpa ki pïërariiø, jøøa näk bäŋ gïn mo ŋäcge ki man gaage bäät cwïcge ki bäät cämge, na näk jïge da dhäk mo thööth thuwø?»

Mikiya 5:6

Ni ö geni ni käärge jø wø en yi ŋööm Aciria ki dho opëëllö, ni beeye ŋööm Namrut noo käärge no opëëlle moge ege wöth wøk. 'Ba eni ø pieme piemø ceŋ jø Aciria, kanyo öge noo tukge ŋöömö marø, noo nyøønge ŋöömö marø.

Neeyam 1:1

Man beeye wëëlö mar gïna nyooth jï Neeyam nyï Elköc, ni beeye dwøl mana caal tëër na cäänö kiper pääny Nineba.

Jepaniya 2:13

'Ba Wuuö Jwøk cere orwiee thuwø bäät wï-piny ni jääl gø, ni raany Aciria, ni wëëk pääny Nineba ränynyö ni dööŋe ni bäŋ gïrpiny yie, ni put gø wëëk talø kaamar dïtëën.

Mathiew 12:41

'Ba jø Nineba, geno ö maal ni jäälge jø pinyi en, dïcäŋo ŋøl luup yie. Kiper geni cwïnyge aløkge kanya ö Joona na køp luum Jwøk jïge. 'Ba ennø, da gïn mo dwøŋŋa eni ki Joona mo ena kany.