Aydheea 37:36 - Wëël Jwøk

³⁶ Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 37:36 Iomraidhean Croise

2 Camiel 24:16

'Ba kanya ö nyïïatwiel maalli na rwiec cere nee Jerucalem raanynye, Wuuö Jwøk cwïnye apädhö kiper gïna leth na tägö dëët jiy, ni kööe jï nyïïatwiel maal mana 'näk jiy, «Manøgø rømø nø. Ennø, jook cerï nø.» 'Ba kar kaagø, nyïïatwiel maal mar Wuuö Jwøk ena buut laara mar Arawna nyï Jeebuc.

2 Nyeye 19:35

'Ba kanya tïme na dïwäänögø, nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

1 Luup Nyeye 21:12

?Beerra man ö käci paarï ki cwiiri adäk? ?Wala beerra man ö nyïïmän moï ni ŋwiecge køøru ki dwäde adäk nou rïïŋö? ?Wala beerra man ö Wuuö Jwøki ni jääŋ opëëllö mare cer nyïïatwiel maal ni raany Icriel bäre ki man kïth täw mo leth døc bäätu ki nïne adäk yi ŋöömö maru?› 'Ba ennø, cädï ni jierï gïno døøa ki gø jï Jwøk na jääŋ aani.»

1 Luup Nyeye 21:16

'Ba kanya ö Deebiti na tïŋ wïïe maal ni räŋŋe, nyïïatwiel maal mar Wuuö Jwøk aput joot ni cuŋŋö yïthakic maal ki piny, no opëëllö ee maa ni ee löö bäät Jerucalem. Kanyøgø, Deebit ki jø døøk Icriel, cøŋge aputge këël piny ni kuulge wïthge piny yïth ŋøøm, ni dëëtge ege runynyö ka abïïk keece ni ge nyootha pänh cwïny marge.

Jööp 24:24

Geni, ge tïŋa maal ki kany mo thiinh, køøre ge tïmö ni ge tøør; geni, ge dwøga piny ni cooŋ geni kaamar jiy møga bëët. Geni, ge di jelø kaamar wïth beel.

Jööp 34:20

Jøøgø bëët, ge laara thøø ki kany mo cään. Kany wø tïme na dhöör-wäär, ge laara thøø ni pööth karge. Jøøa teek, jwïëcge laara pöödhö ni ge kär gudö ki cenø.

Bwøth Wøk 12:23

Kiper Wuuö Jwøk ocäädhi dï paac nee jø Ijep nääe; 'ba kany ojoot remø dhi øtø maal, ki løøi ki løøi, eni na Wuuö Jwøk opöödhi ki dhi øtø, ni män dïnääy ki man duny yïth uudi mou nou nääe.

Bwøth Wøk 12:30

Ni päny Peerø maal ki dï wäär, ni bee eni, ki jø kööre moe, ki jø Ijep bëët; ni tïm oduuru ni päl døc dï Ijep, kiper mana tïme ni bäŋ paac mo obøth ni bäŋ dhaanhø mo othøw yie.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 10:25

Kiper ki kany mo thiinh, wëër mara ki uuni thum, ni ö wëërri mara ni coony baŋge kuna raanynya geni.»

Aydheea 10:26

Wuuö Jwøk, eni na wïth jammi bëët, alaŋŋa tïŋe maal bäätge kaawat mana tïïe na dïïr wïth jø Midien buut Kïn Orëëp, ni ö athøra mare ni tïŋ gø maal bäät naama dwøŋ, kaawat mana tïïe Ijep.

Aydheea 27:7

?Aŋø, Wuuö Jwøk jiye ajääle na bëëde, kaawat mana jääl nyïïmän moge? Wala jiye ma jø Icriel anääe na bëëde, ka teeŋ mana näk nyïïmän moge?

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 31:8

'Ba jø Aciria di nääö ko opëëllö mo paa mar dhaanhø, ni ö opëëllö manøgø ni paa mar dhaanhø enø ni thöör geni. Geni ge ba bøth ki thøw opëëllö manøgø, ni ö cwøw moge moa näk wøpe ni tïmge na jø tïïc mo wø mak ki teek.

Daniel 3:28

Kanyøgø Nabukedenecör aput köö, ni «Pwøc en jï Jwø Cidarak, eni ki Micak ka Abedenagø, Jwøa jääŋ nyïïatwiel maal mare na piem jiye, jøøa ŋääth eni. Geni, dwør nyeya akwierge, ni per dëëtge kär leth jïge, ni kweerge ki man tïnyge jwøk mør wala ki man wøørge gø, 'ba beeye Jwøge keere.

Mikiya 5:6

Ni ö geni ni käärge jø wø en yi ŋööm Aciria ki dho opëëllö, ni beeye ŋööm Namrut noo käärge no opëëlle moge ege wöth wøk. 'Ba eni ø pieme piemø ceŋ jø Aciria, kanyo öge noo tukge ŋöömö marø, noo nyøønge ŋöömö marø.

Neeyam 1:12

Man beeye mana caan Wuuö Jwøki: ni «Këël na bëët jø Nineba ni ge teek ni ge thööth døc, wïthge poot di dïïrö ni rwäänyge. U na jiya, këël na tïïa uuni nee dëëtu jïtge ki ŋwiili, uuni u ba tïïa nee dëëtu jïtge ki ŋwiili këët.

Neeyam 3:3

Jø leny mo bäät okwëënyi ge läännö ni ge rwøya okwëënyi; no opëëlle namal, ni tøøŋi nagaaŋ. Lwaa dhaanhø mo päl di nääö, ni bëët dëëtge na athwöe piny, ni kwään dëët jiy ba thum, ni jiy moo cør kaace, tietge di cwanynyø dëëtge.

Moa Tïïc Nyïïatwieli 12:23

Ni puti ya nyïïatwiel maalli mør mar Wuuö gøøc, kiper na käre Jwøk jiemø. Ni ö dëëre ni cami twöŋi ni thøøe.