Aydheea 37:33 - Wëël Jwøk

³³ 'Ba man beeye dwør Wuuö Jwøk na caane kiper nyeny Aciria, ena köö, ni «Eni ba duny yi pääny man, ni bäŋ atheerø mo thöör yi gø kany; këël eni ba nyänh deŋ gø ni käädö ki kwöt leny, ni bäŋ ŋøøm mo di thørø deŋ kiir ki man ethge bäät kiir ki gø.

Aydheea 37:33 Iomraidhean Croise

Aydheea 17:12

Wui, wïnynyu ŋurö mar wïth juurre mo thööth, ni wïnyi en kaamar lwör mar athaŋ naama dwøŋ. Wïnynyu ŋurö mar wïth juurre na näk lwör kaamar pïï mo kwödö ni teek.

Aydheea 17:14

Ka adïëri møn, noo tïme na wïthïënhö, jiy tïïcge tïïö nee lwäcge døc; 'ba kanyo tïme na kur øw, ge tøør këët. Manøgø otïmö na kur jiy moa twier øøni, ni beeye gïno tägi dëëtge, ge na twier japø.

Aydheea 33:20

Neennu Dhayan, pääny man wø wøørwa ajwöm mowa yie; Jerucalem ojootu ki nyeŋŋu na kar bëëtö mo päŋ ki bëët-mëër, ni tïme kaamar oduŋkaara mo bäŋ ŋat daak gø, wala ŋat mo pudha teegi moe wøk, wala ŋat mo cööta thøøli moe.

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 6:6

Kiper luumma caan Wuuö Jwøki, eni na wïth jammi bëët, beeye en, ena köö, ni «Ŋøtu jenni moa en lak Jerucalem na mo thør, ni thørru bäätge ki ŋøøm man eth bäät kiir ki gø. Pääny man beeye pääny mo di raanynyø, kiper jiy bëëdö ni di caannø dïëre bäre.

Edhikiel 21:22

'Ba nyuudhi mano päth cer cwïïe otïmö na mar Jerucalem, kiper nee jenni mo thiel kiir ki ge cïp karge, ni cïpe ki dwøl nee jiy 'näk, nee jiy twäätge ri leny, nee jenni mo thiel dhi kiir ki ge cïpge karge, nee kany eth bäät kiir ki yie thørge, nee kwör leny mo tuk pääny ki yie jiiŋge.

Tiet Ciik 20:20

'Ba jenni moa ŋäyu ni nyïïge ba cam, løny ki man ŋødu geni piny, ni tïïu ki geni ki gïï mo løny jïïu ki man dønynyu yi pääny mano këëdi ki uuni, këël mano böötu gø.