Aydheea 37:30 - Wëël Jwøk

³⁰ «'Ba ï na Edhekaya en, man otïmö na nyuudhi jïrï; yi cwiir man u cämö ki caammi moa näk bär, ni cwiino ööi u poot cämö ki caammi moa näk bär. 'Ba ri dää cwiiri u pïïdhö ni kääu; ni pïïdhu ki jer omøki ni cammu nyïïge.

Aydheea 37:30 Iomraidhean Croise

2 Nyeye 19:29

«'Ba ï na Edhekaya en, man otïmö na nyuudhi jïrï; yi cwiir man u cämö ki caammi moa näk bär, ni cwiino ööi u poot cämö ki caammi moa näk bär. 'Ba ri dää cwiiri u pïïdhö ni kääu; ni pïïdhu ki jer omøki ni cammu nyïïge.

2 Nyeye 20:9

'Ba Aydheea aköö, ni «Man beeye nyuudhi mano nyooth Wuuö Jwøki kiperï, mo nyootha gø ni Wuuö Jwøk gïna caane tïïe tïïö. ?A mane ni beer ki jïrï? ?Beerra man ö tïpö man wø nyooth caa ni cääth nyïm ki rumme apaar, wala døø ŋääe ki rumme apaar?»

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Aydheea 38:7

« ‹'Ba man otïmö na nyuudhi mano nyoodha kiperï, a na Wuuö Jwøk, mo nyootha gø ni gïna caana tïïa tïïö.

Aydheea 65:21

Geni, ge gëëdö ki uudi, ni bëëtge yïthge, ni pïïthge ki jer omøki, ni camge nyïïge.

Aydheea 7:11

ni «Pëëï ki nyuudhi kiper dëërï baŋ Wuuö Jwøk, Jwøk marï; pëënynyï na nyuudhi mo løny ki man joodi tiet ŋøøm kar bëët jwïëc jøøa no othøw, wala yi maal kuya.»

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Ciik Kiper Dïlämme 25:11

Pïërbïï cwiiri cooth wär bëëde jïïu ni beeye kar jwöm mar Jubili; ni bëëdu nou ba pïïdhö ni ba kayu caammi moa näk bär, ni ba pønnu nyïïomøki moa nywøl ni wïthge kär goorø.